ލިވަޕޫލް ކުއާޓަރ ފައިނަލަށް

ޔޫއެފާ ޗެމްޕިއަންސް ލީގުގެ ކުއާޓަރ ފައިނަލަށް އިނގިރޭސި ޗެމްޕިއަން ލިވަޕޫލް ދަތުރުކޮއްފިއެވެ.

މުބާރާތް ހަ ފަހަރު ކާމިޔާބުކޮށްފައިވާ ލިވަޕޫލް ކުއާޓަރ ފައިނަލުން ޖާގަ ހޯދީ ޖަރުމަނުގެ އާރުބީ ލައިޕްޒިގާ ވާދަކޮށް ރޭ ކުޅުނު ގަދަ 16 ގެ ދެވަނަ ލެގުގެ މެޗު 0-2 އިން ކާމިޔާބުކޮށްގެންނެވެ. މިދިޔަ ސީޒަންގެ ޗެމްޕިއަންސް ލީގުގެ ސެމީ ފައިނަލްގައި ކުޅުނު  އާރުބީ ލައިޕްޒިގާއި ވާދަކޮށް ލިވަޕޫލުން ރޭ ކުޅުނު މެޗުގައި ލިވަޕޫލުން ޖެހި ދެ ލަނޑުވެސް ކާމިޔާބުކޮށްފައިވަނީ މެޗުގެ ފަހު ހާފުގަ އެވެ.

ފުރަތަމަ ލަނޑު މެޗުގެ 70 ވަނަ މިނެޓްގައި މިސްރުގެ ފޯވާޑް މުހައްމަދު ސަލާހް ކާމިޔާބުކޮށްދިން އިރު ދެވަނަ ލަނޑު އޭގެ ހަތަރު މިނެޓް ފަހުން ކާމިޔާބުކުރީ ސަޑިއޯ މާނޭ އެވެ. ލިވަޕޫލާއި، އާރުބީ ލައިޕްޒިގު ކުޅުނު ފުރަތަމަ ލެގުގެ މެޗުވެސް ނިމިފައިވަނީ 0-2 އިން ލިވަޕޫލަށް ކުރި ލިބިގެންނެވެ.

އިނިގިރޭސި ލީގުގެ ޗެމްޕިއަންކަން ތަފާތު ބޮޑުކޮށް މިދިޔަ ސީޒަންގައި ހޯދި ލިވަޕޫލުން ރޭ އާރްބީ ލައިޕްޒިގާ ދެކޮޅަށް ނުކުތީ މިފަހަރުގެ ލީގުގައި އެ ޓީމުން އަމިއްލަ ދަނޑުގައި އެންމެ ފަހުން ކުޅުނު ހަ މެޗުންވެސް ބަލިވެފައި ވަނިކޮށެވެ. ރޭ ލިވަޕޫލުން ކުޅުނު މެޗަކީ އެ ޓީމުގެ ހޯމް މެޗު ކަމަށްވީ ނަމަވެސް ކޮވިޑްގެ ހާލަތާ ގުޅިގެން ރޭގެ މެޗު ކުޅެފައިވަނީ ހަންގޭރީގެ ބުޑަޕެސްޓްގަ އެވެ.