ނިކް ޖޯނަސް ރައްޓެހިވި އެންމެންގެ ތެރެއިންވެސް އެންމެ ހާއްސައީ ޕްރިޔަންކާ ޗޯޕްރާ ކަމަށް އޭނާ ބުނެފިއެވެ.
ޕްރިޔަންކާ ޗޯޕްރާ އާއި ނިކް ޖޯނަސްއަކީ ބޮލީވުޑްގައި އެދެމީހުންގެ ވާހަކަ ވަރަށް ގިނައިން ދެކެވޭ ދެމަފިރިންނެވެ. އެގޮތުން މި ދެމަފިރިންނަކީ ވަރަށްގިނަ މީހުންގެ ހިތްވަރު އަދި ލޯބި ލިބިފައިވާ ދެމަފިރިންނެވެ. އެދެމީހުންގެ ލޯއްބަތް އެންމެންގެ ވެސް ތައުރީފު ލިބިއެވެ.
ޕްރިޔަންކާއަށް އެންމެ ގިނައިން ތައުރީފު ކުރާ އެކަކީ ފިރިމީހާ ނިކެވެ. ޕްރިޔަންކާގެ އެންމެ ފަހުގެ ފިލްމު ދަ ވައިޓް ޓައިގާއަށް ފަހުގައިވެސް ނިކް ވަނީ އޭނާގެ އަންހެނުންނަށް ތައުރީފު ކޮށްފައެވެ. ދާދިފަހުން ދިން އިންޓަވިއުއެއްގައި ނިކް ބުނެފައިވަނީ އޭނާ ކުރިން ރައްޓެހިވި އެންމެނަށްވުރެންވެސް ޕްރިޔަންކާ ޚާއްސަ ކަމަށެވެ.
އެމީހުން ރައްޓެހި ވުމުގެ ކުރިން އެދެމީހުންނަކީ ވަރަށް ގާތް ދެ ރަހުމަތްތެރިންކަމަށް ނިކް ވަނީ ބުނެފައެވެ. އެގޮތުން އެ ދެމީހުން ވަރަށް ނަސީބު ގަދަ ކަމަށާއި ދެމީހުން އުޅެމުންއަންނަނީ ވަރަށް އުފަލުގައި ކަމަށް ނިކް ވަނީ ބުނެފައެވެ.
View this post on Instagram
ޕްރިޔަންކާއަކީ ފިލްމީ ތަރިއެއްގެ އިތުރުން ކާމިޔާބު ލަވަ ކިޔުންތެރިއެއް، ޕްރޮޑިއުސަރެއް، އަދި ލިޔުންތެރިއެކެވެ. މި ލިސްޓަށް ދާދި ފަހުންވަނީ ވިޔަފާރި އިތުރުވެފައެވެ. އޭނާ ގެންދަނީ ނިއުޔޯކުގައި "ސޯނާ" ނަމަކަށް ކިޔާ އިންޑިއަން ރެސްޓޯރަންޓެއް ހުޅުވުމަށް ތައްޔާރުވަމުންނެވެ.
ޕްރިޔަންކާ އިންސްޓްގަރާމުގައި ހިއްސާ ކުރި ޕޯސްޓެއްގައި މި ރެސްޓޯރަންޓު ހުޅުވުމަށް އޭނާއަށް އެހީތެރިވި އެންމެނަށް ފަށްފަށުން ޝުކުރުއަދާކޮށްފައި ވެއެވެ.
