ސުޕަރ ސްޓަރ ޕްރިޔަންކާ ޗޯޕްރާ ޖޯނަސް ނިއުޔޯކްގައި ހުޅުވި "ސޯނާ" ރެސްޓޯރަންޓުގެ ސަބަބުން އޭނާ އިންޑިއާގެ ކާއެއްޗެއްސަށް ކުރާ ލޯބި ހާމަވެގެންދެއެވެ. ޕްރިޔަންކާ ބުނެފައިވަނީ އޭނާގެ ހުނަރުވެރިކަން މި ރެސްޓޯރެންޓުގެ ނަމާއި، ޑިސައިން، މެނިއު އަދި އެތާގެ މިއުޒިކުން ފެނިގެން ދާނެ ކަމަށެވެ.
ރެސްޓޯރަންޓު އާންމުކޮށް ހުޅުވާނީ މިމަހުގެ ފަހުކޮޅު ކަމަށާއި އެމެރިކާގައި ދިރިއުޅޭ އިންޑިއާ ކާނާއަށް ލޯބިކުރާ އެންމެން މިތަނަށް އަންނާނެކަމަށް އުންމީދުކުރާކަމަށް ޕްރިޔަންކާ ބުނެފައިވެއެވެ. ޕްރިޔަންކާއަކީ ކާމިޔާބު ފިލްމީ ތަރިއެއް، ޕޮރޮޑިއުސަރެއް، ލިޔުންތެރިއެއް އަދި ވިޔަފާރިވެރިއެކެވެ. މިހާރު މި ލިސްޓަށް ރެސްޓޯރެންޓަރެއްގެ ނަންވަނީ އިތުރުވެފައެވެ.
ޕްރިޔަންކާ ބުނެފައިވަނީ އޭނާ މި ރެސްޓޯރަންޓާއި މެދުގައި ފަޚުރުވެރިވާ ކަމަށެވެ. އަދި ހަމަ އެހެންމެ ސޯނާގެ ނަމުން ނަންދީފައިވާ މި ރެސްޓޯރަންޓަކީ އޭނާ ވަރަށް ކުރިންސުރެ ދެކެމުން އަންނަ ހުވަފެނެއް ކަމަށްވެސް ޕްރިޔަންކާ ވަނީ ބުނެފައެވެ.
View this post on Instagram
މި ރެސްޓޯރަންޓް ޑިޒައިން ކުރަން ޕްރިޔަންކާއަށް އެހީތެރިވެފައިވަނީ މެލީސާ ބައުވާއެވެ. އަދި ރެސްޓޯރަންޓްގެ ކައްކާއަކީ ހަރީނަޔަކް އެވެ. ޕްރިޔަންކާވަނީ ރެސްޓޯރަންޓް ކާމިޔާބު ކަމާއި އެކުގައި ނިންމުމަށް އެހީ ތެރިވި އެންމެނަށްވެސް ޝުކުރު އަދާކޮށްފައެވެ. މީގެ ތެރޭގައި އޭނާގެ ރަހުމަތްތެރި މަނީޝް ގޯޔަކް އަދި ޑޭވިޑް ރޭބިން ހިމެނެއެވެ.
ޕްރިޔަންކާ މި ކަން އިއުލާން ކޮށްފައިވަނީ އިންސްޓްގަރާމުގައެވެ. މި ޕޯސްޓަށް ވަނީ ވަރަށް ގިނަ ބެލުންތެރިންގެ ތަރުހީބު އަދި ލޯބި ލިބިފައެވެ. މީގެ ތެރޭގައިވެސް އިންޑިއާގެ މީހުން ގިނަ ކަމަށް ފާހަކަ ކޮށްލެވެއެވެ.
