ބަޔާން މިއުނިކާއެކު ހަދާފައި އޮތް އެއްބަސްވުން ޒުވާން ތަރި ޖަމާލް މުސިއާލާ އާކޮށްފިއެވެ.
މުސީއާލާ ވަނީ ބަޔާނުގެ އެއްބަސްވުން 2026 ވަނަ އަހަރުގެ ހޫނު މޫސުމުގެ ނިޔަލަށް އާކޮށްފައެވެ. މި އެއްބަސްވުމާއެކު ކޮންމެ ސީޒަނަކު 4.3 މިލިޔަން ޕައުންޑުގެ މުސާރައެއް މުސިއާލާއަށް ލިބިގެންދާއިރު، މިއީ އޭނާގެ ކެރިއަރުގައި ހެދި ފުރަތަމަ ޕްރޮފެޝަނަލް އެއްބަސްވުމެވެ. މުސިއާލާ ވަނީ އިންގްލެންޑުގެ ބަދަލުގައި ޖަރުމަނުގެ ގައުމީ ފުޓްބޯޅަ ޓީމަށް ކުޅެންވެސް ނިންމާފައެވެ.
ޖަރުމަނަށް އުފަންވި ނަމަވެސް، އިނގިރޭސި އާއިލާއަކަށް ނިސްބަތްވާ މުސިއާލާ ވަނީ އުމުރުން ހަތް އަހަރުގައި އިންގްލެންޑަށް ދިރިއުޅުން ބަދަލުކޮށްފައެވެ. އެއަށްފަހު ޗެލްސީ ޔޫތު ޓީމުތަކަށް ކުޅުމަށްފަހު އޭނާ ބަޔާނަށް ބަދަލުވީ 2019 ވަނަ އަހަރުގެ ޖުލައި މަހުގައެވެ. ޔޫތު ފެންވަރުގައި އިންގްލެންޑާއި ޖަރުމަނަށްވެސް މީގެ ކުރިން މުސިއާލާ ކުޅުނުއިރު، އެންމެ ފުރަތަމަ އޭނާ ކުޅެފައިވަނީ އިންގްލެންޑުގެ 15 އަހަރުން ދަށާއި 16 އަހަރުން ދަށުގެ ޓީމަށެވެ.
މުސިއާލާ ވެފައި ވަނީ ޗެމްޕިއަންސް ލީގުގައި ލަނޑު ޖެހި ބަޔާނުގެ އެންމެ ހަގު ކުޅުންތެރިޔާއަށެވެ.
ކޮމެންޓު ފޮނުވާ