ރ.ދުވާފަރުގެ ބިން ހިއްކަން ފެށުމުން އެކަމުގެ އުފަލުގައި އެރަށުގައި މިއަދު ހާއްސަ ހަރަކާތްތަކެއް ކުރިއަށް ގެންގޮސްފިއެވެ.
ދުވާފަރުގެ މިހާރުގެ އާބާދީ 2900 އަށްވުރެ އިތުރެވެ. އާބާދީ އިތުރުވެ ދުވާފަރުގެ ބިންވަނީ މުޅިން ފުރިފައެވެ. ދުވާފަރަށް ބިން އިތުރުކުރުމުގެ އެންމެ ބޮޑު ބޭނުމަކީވެސް ރަށުގެ ބޯހިޔާވަހިކަމުގެ މައްސަލައަށް ޙައްލު ހޯދައިދިނުމެވެ. ދުވާފަރު ބިން ހިއްކުމުގެ މަޝްރޫޢުއަށް މިއަހަރުގެ ބަޖެޓުގައި 32 މިލިއަން ރުފިޔާވަނީ ކަނޑައަޅާފައެވެ. މުޅި މަޝްރޫޢުގެ އަގަކީ 54 މިލިއަން ރުފިޔާއެވެ.
ވަރަށް އުފާވެރި ދުވަހެއް. މަރުހަބާ ރައްޔިތުން.
ސާބަހޭ ރަންރީންދޫ ލަސްކަރު. މީ ވައުދުވާ ވައުދު ފުއްދާ ސިޔާސީޕާޓީ ?????ދުވާފަރު ބިން ހިއްކުން.#ރަށްވެހިފަތިސް #ލާމަރުކަޒީރާއްޖެ pic.twitter.com/0925vfoCvU
— ??? ?? (@Simwarr) March 5, 2021
މިހަރަކާތްތަކުގައި އިސްކޮށް އުޅުނީ އެރަށުގެ އެމްޑީޕީއަށް ނިސްބަތްވާ މެމްބަރުންނެވެ. ގިނަ އަދަދެއްގެ ދުވާފަރު އެމްޑީޕީ މެމްބަރުން ބައިވެރިވި މި ހަރަކާތުގައި އަންހެން ވެރިން ދަޑިޖެހުމާއި، ނެށުމުގެ ހަރަކާތްތަކާއި، ކަނޑުމަތީގެ އެކި ހަރަކާތްތައްވެސް ބާއްވާފައިވެއެވެ. އަދި ޚާއްސަ ޖާފަތެއްވެސް މި ހަރަކާތުގެ ތެރެއިން ވަނީ ފެނިގެން ގޮސްފައެވެ.
ރ. ދުވާފަރަށް އީދެއް. ބިން ހިއްކަން ފެށުން. ރައްޔިތުންގެ ދިގު އިންތިޒާރަކަށް ނިމުން. #ރަށްވެހިފަތިސް pic.twitter.com/X0biImSKdz
— Luke (@Lucasjalyl) March 5, 2021
ދުވާފަރުގެ ބިން ހިއްކުމުގެ މަޝްރޫޢު ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީއިންނެވެ. މި ޕްރޮޖެކްޓްގެ ޢަމަލީ މަސައްކަތް ފެށުމަށް ބޭނުންވާ ސާމާނު އެރަށަށް ގެންގޮސް އަމަލީ މަސައްކަތް ފަށާފައިވަނީ މިދިޔަ މަހުގެ 27 ވަނަ ދުވަހުއެވެ.
މި މަޝްރޫޢުގައި އެމްޓީސީސީއާ ހަވާލުކޮށްފައިވަނީ އެރަށުގެ ބިންހިއްކުމާ، ހިއްކާފައިވާ ސަރަޙައްދު ޙިމާޔަތްކުރުމުގެ މަސައްކަތެވެ. ދުވާފަރުން ބިން ބޮޑުކުރުމަށް ކުރިއަށްގެންދާ މަސައްކަތުގައި އެރަށު ފަޅުން 22.2 ހެކްޓަރުގެ ސަރަޙައްދެއް ހިއްކުމަށްވަނީ ހަމަޖެހިފައެވެ. ދުވާފަރުގެ މިހާރުގެ ބިމުގެ ބޮޑުމިނަކީ 49.5 ހެލްޓަރެވެ.
ބިންހިއްކުމުގެ އަމަލީ މަސައްކަތް ފެށުމުގެ އުފާ – ރ. ދުވާފަރުން pic.twitter.com/HQWsPblHpM
— Luke (@Lucasjalyl) March 5, 2021
ބިންހިއްކުމުގެ ޢަމަލީ މަސައްކަތް ފަށާފައިވާއިރު މި މަޝްރޫޢުގެ ތެރެއިން 423 މީޓަރުގެ ސަރަޙައްދެއްގައި ބޮޑު ހިލައިގެ ރިވެޓްމެންޓް ޖެހުމުގެ މަސައްކަތް ކުރިއަށްދާނެއެވެ. އަދި 70 މީޓަރުގެ ސަރަޙައްދެއްގައި ބޭރު ތޮށި ލުމުގެ މަސައްކަތްވެސް ކުރާނެއެވެ.
ރ.ދުވާފަރަކީ 2004 ވަނަ އަހަރުގެ ޑިސެމްބަރުމަހު ކުރިމަތިވި ސުނާމީ ކާރިސާއާ ގުޅިގެން ރ. ކަނދޮޅުދޫގެ ބޮޑު ބައެއް ގިރުމާއި ގުޅިގެން، އެރަށުގެ މީހުން އާބާދުވުމަށް ތަރައްޤީ ކޮށްފައިވާ ރަށެކެވެ. އިންޓަނޭޝަނަލް ފެޑެރޭޝަން އޮފް ރެޑްކްރަސެންޓް(އައި.އެފް.އާރް.ސީ) އާއި ދިވެހި ސަރުކާރުން ގުޅިގެން ތަރައްޤީކޮށްފައިވާ ދުވާފަރަށް، ރ. ކަނދޮޅުދޫ މީހުން ބަދަލުކޮށްފައިވަނީ 2008 ވަނަ އަހަރުގެ ޑިސެންބަރު މަހުއެވެ.
ކޮމެންޓު ފޮނުވާ