އެވަޓަން މޮޅުވެ ގަދަ ހަތަރެއްގެ އުންމީދުގައި

އިނގިރޭސި ލީގުގައި ވެސްޓްބްރޮމް ބަލިކޮށް އެވަޓަންއިން ގަދަ ހަތަރެއްގެ އުންމީދު އާކޮށްފި އެވެ.

ރަށުން ބޭރުގައި ކުޅުނު މެޗު އެވަޓަން އިން ކާމިޔާބުކުރީ 1-0 ލަނޑުންނެވެ. މެޗުގައި އެވަޓަން އިން ޖެހި ހަމައެކަނި ލަނޑުޖަހައިދިނީ ރިކާލްސަންއެވެ. އެންމެފަހުން އެވަޓަން ކުޅުނު 6 މެޗުގައި ރިކާލްސަން ވަނީ 6 ލަނޑު ކާމިޔާބުކޮށްފަ އެވެ. ރޭގައި ބޮލުން ޖެހި ލަނޑާއެކު މިސީޒަނުގައި ލީގުގައި އޭނާ ވަނީ ބޮލުން އެންމެ ގިނަ ލަނޑުޖެހި ކުޅުންތެރިޔާއަށް ވެފައެވެ. މިހާތަނަށް ބޮލުން އޭނާ ވަނީ ލީގުގައި 11 ލަނޑު ކާމިޔާބުކޮށްފަ އެވެ.

ވެސްޓް ބޮރޮމްއިން އެންމެފަހުން ކުޅުނު ހަ މެޗުގައި އެޓީމަށް ކާމިޔާބުކުރެވިފަ ވަނީ ތިންލަނޑެވެ. މި މޮޅާއެކު އެވަޓަން ވަނީ ލީގުގައި ރަށުން ބޭރުގައި މިހާތަނަށް 9 މެޗު ކާމިޔާބުކޮށްފަ އެވެ. ރޭގައި ލަނޑުޖެހި ރިކާލްސަން ވަނީ ވިދިވިދިގެން އެންމެފަހުން ކުޅުނު ހަތަރު މެޗުގައި ލަނޑުޖަހާފަ އެވެ.

ރޭގަ ހޯދި މޮޅާއެކު އެވަޓަން އޮތީ ލީގުގައި 5 ވަނާގަ އެވެ. އެއީ ހަތަރު ވަނާގައި އޮތް ޗެލްސީއަށް ވުރެ އެއްޕޮއިންޓް މަދުން ހޯދައިގެންނެވެ. ލީގުގައި މިހާތަނަށް ކުޅުނު 26 މެޗުން އެވަޓަންއިން ވަނީ 46 ޕޮއިންޓް ހަމަކޮށްފަ އެވެ.