ކަންގަނާ ރަނާވަތުގެ އޮފީސް އަލުން އިމާރާތް ކުރަން އެއްވެސް އާކިޓެކްޓެއް އެއްބަސް ނުވާކަމަށް ކަންގަނާ ވަނީ ބުނެފިއެވެ. އާކިޓެކްޓުން ބުނާގޮތުގައި މިކަމަށް އެއްބަސް ނުވަނީ ބީއެމްސީން އެމީހުންނަށް ނުރައްކާތެރި އިންޒާރު ދޭތީވެއެވެ. މި އޮފީހުގެ އެއްބައި ބީއެމްސީން ތަޅާލައިފައިވަނީ މިދިޔަ އަހަރުގެ ސެޕްޓެމްބަރު މަހުގައެވެ.
ކަންގަނާ ކޮށްފައިވާ ޓްވީޓެއްގައި ބުނެފައިވަނީ އޭނާގެ އޮފީހަށް ގެއްލުންދިން މައްސަލަ ކޯޓަށް ވައްދައި އެމައްސަލަ އޭނާ ކާމިޔާބު ކޮށްފައިވެސް ވާކަމަށެެވެ. އެހެންނަމަވެސް މިހާރު އޭނާ އޮފީސް އަލުން އިމާރަތްކުރަން އާކިޓެކްޓުން ހޯދަން މަސައްކަތް ކުރުމުން އެއްވެސް މީހަކު މިކަމަށް އެއްބަސްނުވާކަމަށް ކަންގަނާ ވަނީ ބުނެފައެވެ. އަދި ކަންގަނާގެ މަސައްކަތް ކޮށްދީފިނަމަ ލައިސަންސް ކެންސަލް ކުރާނެކަމަށް ބުނެ ބީއެމްސީން އާކިޓެކްޓުންނަށް އިންޒާރުދީފައި ވާކަމަށް ކަންގަނާ ވަނީ ތުހުމަތު ކޮށްފައެވެ.
ކޯޓުންމައްސަލަ ބެލުމަށްފަހު ކަންގަނާގެ އޮފީހަށް ދީފައިވާ ގެއްލުން ބެލުމަަށް ބީއެމްސީގެ މީހެއް އެތަނަށް ފޮނުވުމަށް ކޯޓުން އަމުރު ކޮށްފައި އޮތްނަމަވެސް އެންމެ ދުވަހަކު އައުމަށްފަހު އޭގެ ފަހުން ނާންނަކަމަށާއި އަދި މިހާރު އެމީހުން ކަންގަނާގެ ފޯނު ކޯލުތަކަށް ޖަވާބުވެސް ނުދޭކަމަށް ކަންގަނާ ވަނީ ބުނެފައެވެ. އަދި ކުރިއަށް އޮތީ ވިއްސާރަ މޫސުން ކަމަށާއި މިކަމާއި މެދުގައި ކަންބޮޑުވާކަމަށްވެސް ކަންގަނާގެ ޓްވީޓުގައި ބުނެފައިވެއެވެ.
I have won the case against @mybmc now I need to submit a file for compensation through an architect, no architect is ready to take my case they say they getting threats from @mybmc their license will get cancelled,It’s been six months since the illegal demolition pic.twitter.com/0beJjwj7lL
— Kangana Ranaut (@KanganaTeam) March 2, 2021
ކަންގަނާ ވަނީ އޭނާއަށް އިންސާފު ނުލިބެނީސް އެމީހުން ހަމަނިދި ނިދިޔަ ނުދޭނެކަމަށް ބުނެފައެވެ. އަދި އޭނާގެ އޮފީސް އަލުން މަރާމާތުކުރުގެ ފުރުސަތު އޭނާއަށް ނުލިބިއްޖެނަމަ ނުހައްގުން އޭނާގެ އޮފީސް ކުދި ކުދި ކޮށްލަން އެހީތެރިވި އެންމެން ހޯދައި އެމީހުންނަށް އެމީހުން ކުރި ކުށުގެ އަދަބު ދޭނެކަމަށް އޭނާ ވަނީ ބުނެފައެވެ.
Shame on you @mybmc most corrupt civic body in the whole nation,you are a disgrace on this democracy.Planning to file criminal cases on all those who participated in this illegal demolition, if you are not going to let me rebuild my house I won’t let you sleep peacefully either.
— Kangana Ranaut (@KanganaTeam) March 2, 2021
ކަންގަނާގެ އޮފީސް އިމާރާތަށް ގެއްލުންދިން މަހު އޭނާ ބުނެފައިވަނީ އޭނާގެ އޮފީސް ހުޅުވީ އެއަހަރުގެ ޖަނަވަރީ 15ވަނަ ދުވަހުގައިކަމަށެވެ. އަދި އޭގެ ކުޑަ ދުވަސްކޮޅެއް ފަހުން ކޮވިޑް 19 އާއި ގުޅިގެން ހުރިހާ މަސައްކަތްތައް ބަންދުވުމާއި ގުޅިގެން އޭނާއަށް މި އިމާރާތް އަލުން މަރާމާތުކުރުމުގެ ފައިސާ ލިބިފައި ނުވެއެވެ. އަދި އޭނާ ބުނެފައިވަނީ ތަޅާލާފައިވާ އޮފީހުގެ ތެރޭގައި އޭނާ މަސައްކަތް ކުރިއަށް ގެންދާނެ ކަމަށެވެ. އެއީ އަމިއްލަ ހައްގު ހޯދުމަށް މި ދުނިޔޭގައި ކޮޅަށް ތެދުވި ކެރޭ އަންހެނެއްގެ ވާހަކަ މި އިމާރާތުން ފެނިގެންދާތީ ކަމަށްވެސް އޭނާ ވަނީ ބުނެފައެވެ.
