ކޯވިޑް19 އިން ރައްކާތެރި ވުމަށް އަޅަމުންދާ ފިޔަވަޅުތަކަށް އެކަށީގެންވާ ސަމާލުކަމެއް ނުދީފިނަމަ، އަލަށް ތައާރަފް ވަމުންދާ ވޭރިއަންޓުތަކުގެ ސަބަބުން، މިވައިރަހާ ދެކޮޅަށް މިހާތަނަށް ހޯދިފައިވާ ހުރިހާ ކުރިއެރުންތަކެއް އެއްކޮށް ނެތިގެން ހިގައިދަނެކަމުގެ އިންޒާރު، އެމެރިކާގެ ސެންޓާސް ފޯރ ޑިސީސް ކޮނޓްރޯން އެންޑް ޕްރިވެންޝަންއިން ދީފިއެވެ.

"އަހަރެން މި ދައްކާ ވާހަކަ ވަރަށް ކަނުލާ އައްސަވާ: އަދިވެސް ބަލި ފެތުރެމުންދާ ނިސްބަތަށް ބަލާ، އަދި އަލަށް ތައާރަފް ވަމުންދާ ވޭރިއަންޓްތަކަށް ބަލާއިރު، ކޯވިޑް19އާއި ދެކޮޅަށް އަހަރެމެން މިކުރި ހުރިހާމަސައްކަތެއް ބޭކާރުވެގެން ދިއުމުގެ ފުރުސަތު އެބައައޮތް،" އެމެރިކާގެ ސެންޓާސް ފޯރ ޑިސީސް ކޮނޓްރޯން އެންޑް ޕްރިވެންޝަންގެ (ސީޑީސީ) ޑައިރެކްޓަރ ޑރ. ރޮޗެއްލޭ ވަަލެންސްކީ ވިާޅުވިއެވެ.

އެމެރިކާގައި ވެކްސިން ދޭންފެށިފަހުން، ކޯވިޑް19 އަށް ޕޮޒިޓިވްވާ މީހުންގެ އަދަދު ދަށަށް ދާން ފަށާފައިވަނިކޮށް، މިހަފްތާގައި އަނެއްކާވެސް ޕޮޒިޓިވްވާ މީހުންގެ އަދަދު ވަނީ މަތިވާން ފަށާފައެވެ. މިގޮތުން، ފައިތުވެދިޔަ ހަފްތާއާ އަޅާ ބަލާއިރު، ޕޮޒިޓިވްވާ މީހުންގެ އަދަދު މިހަފްތާގައިވަނީ %2 މައްޗަށް ޖެހިލާފައެވެ.

"ހަމަ އެގޮތަށް، ފާއިތުވި 7 ދުވަހުގެ ތެރޭގައި މަރުވި މީހުންގެ އަދަދުވެސް ވަނީ ހަމަ އެނިސްބަތުން އިތުރު ވެފަ.. އަދިވެސް ދުވާލަކަށް 2،000 މީހުން މިބަލީގައި މަރުވަމުން އެބަދޭ،" ޑރ. ވަަލެންސްކީ ވިދާލުވިއެވެ.

ކޯވިޑް19 އާއި ދެކޮޅަށް އަޅާފައިވާ ފިޔަވަޅުތަކަށް ލުއިދެމުންދާ ސްޓޭޓްތަކަވެސް އޭނާވަނީ ފިޔަވަޅުތަކަށް ލުއިގެނައުމުގައި ވަރަށް ބޮޑަށް ސަމާލުވުމަށް ގޮވާލައްވާފައެވެ.

"އަހަރެން ވަރަށް ކަންބޮޑުވޭ، ކޯވިޑް19 އިން ރައްކާތެރިވުމަށް އަހަރެމެން އަޅާފައިވާ ފިޔަވަޅުތަކަށް ބައެއް ސްޓޭޓްތަކުން ލުއިދެމުން ދާތީވެ،"ޑރ. ވަަލެންސްކީ ވިދާޅުވިއެވެ.

"އަހަރެން އާދޭހާއެކު ދަންނަވަން، ވަރަށް ބަދަހި ކަމާއެކު ތިބުމަށް، މޫނު ރަގަޅަށް ފޮރުވޭ މާސްކު އަޅައިގެ، އާންމު ސިއްޙީ ރައްކާތެރިކަަމާ ގުޅުހުންހުރި، މިހާރު އަޅާފައިހުރި ފިޔަވަޅުތަކަށް ފުރިހަމަޔަށް ބޯލެބުން ކޮންމެހެންވެސް މުހިންމު."

"އަހަރެމްން މިސިއްޙީ ކާރިސައިން ސަލާމަތްކޮށްދޭނެ ވަސީލަތަކީ ވެކްސިން، އެހެންނަމަވެސް، އެހިސާބަށް ދަތުރު ކުރުމަށްޓަކާ، ވީހާ ގިނަ ބަޔަކަށް ވެކްސިން ދޭން އެބަޖެހޭ،" ޑރ. ވަަލެންސްކީ ވިދާޅުވެފައި ވެއެވެ.

އެމެރިކާގައި މިހާތަނަށް އައިއިރު، 3 ވެކްސިނެއް ވަނީ، ކޯވިޑް19އައި ދެކޮޅަށް ބޭނުންކުރުމުގެ ހުއްދަ ދީފައެވެ. މީގެތެރޭގައި ހިމެނެނީ، އެންމެ ފުރަތަމަ ހުއްދަދިން ފައިޒާ/ބައޯއެންޓެކް ވެކްސިނާއި، އޭގެ ފަހުން ހުއްދަ ދިން، މެޑޯނާރގެ ވެކްސިންގެ އިތުރުން، ފާއިތުވެދިޔަ ހަފްތާގައި ހުއްދަދިން ޖޯންސަން އެންޑް ޖޯންސަންއިން އުފައްދާފައިވާ އެއްޑޯސްގެ ވެކްސިނެވެ.

ޖޯންސަން އެންޑް ޖޯންސަންއިން އުފެއްދި އެއްޑޯސްގެ ވެކްސިން، އެމަޖެންސީކޮށް ބޭނުން ކުރުމުގެ ހުއްދަ އެމެރިކާއިން ދިނުމާއެކު، އެގައުމުގައި ވެކްސިން ދިނުމުގައި މިހާރު ކުރިމަތިވެފައިވާ ގޮންޖެހުންތަކަށް ވަރަށް ބޮޑު ލުޔެއް އަންނާނެކަމަށް ބެލެވެއެވެ. އަދި މިވެކްސިން ވެގެންދާނީ ވެކްސިން ދިނުމުގައި މުޅި ދުނިޔެއަށްވެސް ކުރިމަތިވެފައިވާ ގޮންޖެހުންތަކަށް އަންނާނެ ވަރަށް ބޮޑު ލުޔަކަށެވެ.

މިވެކްސިން އުފައްދާފައި ވަނީ ބެލްޖިއަމްގެ ޖަންސެން ކުންފުނިންނެވެ. މިކުންފުނިން ވަނީ އަންނަ ޖޫން މަސް ނިމުމުގެ ކުރިން އެމެރިކާއަށް 1 ޑޯޒް ވެކްސިންގެ 100 ޑޯޒު ފޯރު ކޮށްދިނުމަށް އެއްބަސްވެފައެވެ.

މިވެކްސިން ހޯދުމަށް އިގިރޭސި ވިލާތް، އީޔޫ އަދި ކެނެޑާއިންވެސް ވަނީ އޯޑަރު ކޮށްފައި ވާއިރު. ފަގީރު ގައުމުތަކަށް ވެކްސިން ފޯރު ކޮށްދިނުމަށް ޔޫއެންއިން ކުރިޔަށްގެންދާ ކޯވެކްސް ޕްރޮގްރާމުންވެސް ވަނީ ޖޯންސަން އެންޑް ޖޯންސަން ކުންފުނީގެ އެއް ޑޯޒް ވެކްސިނަށް އޯޑަރު ކޮށްފައެވެ.

ޖޯންސްން އެންޑް ޖޯންސަން ކުންފުނި ބުނެފައިވާ ގޮތުގައި، ދުނިޔޭގައި ހަމަހަމަ ކަމާއެކު ވެކްސިން ފޯރުކޯށްދިނުމަށް، އަދި ވަކީން ޚާއްސަކޮށް ފަގީރު ގައުމުތަކަށާއި އަދި މެދުފަންތީގެ އާމްދަނީ ލިބޭ ގައުމުތަކަށް އަމާޒުކޮށްގެން ހިންގޭ ވެކްސިން ޕްރޮގްރާމް ކަމުގައިވާ، ކޯވިޑް ވެކްސިންސް ގްލޯބަލް އެކްސެސް ފެސިލިޓީ (COVAX) ޕްރޮގްމާގެ ދަށުން ވެކްސިން ފޯރުކޮށްދިނުމުގެ ފުރުސަތު ލިބެން އަންނަނީ، ވެކްސިން ބޭނުންކުރުމުގެ އެމަރޖެންސީ ހުއްދަ ޑަބްލިއުއެޗްއޯއިން ލިބިގެން ކަމުގައެވެ.