ގައުމީ ބެންކުން ކ. ގުރައިދޫގައި ސެލްފް ސަރވިސް ބެންކިންގ އޭޓީއެމް ސެންޓަރެއް ހުޅުވައި މިއަދު ހިދުމަތްދޭން ފަށައިފި އެވެ.
މި ހިދުމަތް މެދުވެރިކޮށް އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ނެގުމުގެ އިތުރުން ފައިސާ ޖަމާކުރުމާއި، ބިލަށް ފައިސާ ދެއްކުމާއި ޓްރާންސްފަރ ކުރުމުގެ ހިދުމަތް ލިބިގެންދާނެއެވެ.
މިކަމާ ގުޅޭ ގޮތުން ބީއެމްއެލް ސީއީއޯ އަދި މެނޭޖިންގ ޑައިރެކްޓަރ ޓިމް ސޯޔަރ ވިދާޅުވީ، ގުރައިދޫގައި މި ހުޅުވުނު އޭޓީއެމް ސެންޓަރުން ދައްކުވައިދެނީ އަތޮޅު ތެރޭގައި ފަސޭހަކަމާއެކު ހިދުމަތް ފޯރުކޮށްދިނުމާއި ބެންކިންގ ހިދުމަތް ފުޅާކުރުމަށް ގައުމީ ބެންކުން ކުރަމުންދާ މަސައްކަތް ކަމަށެވެ.
"މި އޭޓީއެމް ގެ ހިދުމަތަކީ އަމިއްލަ ފަރުދުންނާއި ވިޔަފާރިތަކާއި މުޅި ރާއްޖޭގެ ރައްޔިތުންގެ މަންފާއަށް ކުރެވެމުންދާ އިންވެސްޓްމަންޓް ފުޅާކުރުމަށް އެޅުނު މުހިންމު ފިޔަވަޅެއްވެސްމެ." – ޓިމް ސޯޔަރ
Today we are taking further steps to support our community with the opening of a new Self Service Banking ATM in K. Guraidhoo.
Individuals and businesses can now make cash deposits, withdrawals and transfer money conveniently at any time. pic.twitter.com/D2OhONV7ec
— Bank of Maldives (@bankofmaldives) February 25, 2021
ކ. ގުރައިދޫގައި މިއަދު ފެށި އޭޓީއެމް ޚިދުމަތާއެކު މިވަގުތު ކ. އަތޮޅުގައި ދެ ބްރާންޗެއް މެދުވެރިކޮށް ބީއެމްއެލުން ދަނީ ހިދުމަތް ފޯރުކޮށްދެމުންނެވެ. މީގެ އިތުރުން ކ. އަތޮޅުގެ 4 ރަށެއްގައި ސެލްފް ސަރވިސް އޭޓީއެމް ސެންޓަރުތައް ވަނީ ގާއިމްކުރެވިފައެވެ. ހަމައެހެންމެ މީހުން ދިރިއުޅޭ ރަށްތަކުގައި ގާއިމްކޮށްފައިވާ ކޭޝް އޭޖެންޓް މެދުވެރިކޮށް ބީއެމްއެލް އިން ދަނީ ކަސްޓަމަރުންނަށް ފައިސާ ނެގުމުގެ ޚިދުމަތްވެސް ދެމުންނެވެ.
މިދިޔަ އަހަރު ބެންކުންވަނީ 9 ރަށެއްގައި އަލަށް ސެލްފް ސަރވިސް ބެންކިންގ އޭޓީއެމް ސެންޓަރ ހުޅުވާފައެވެ މީގެ އިތުރުން 5 ރަށެއްގައި ކުރިންވެސް ބަހައްޓާފައި ވާ އޭޓީއެމްތައް ސެލްފް ސަރވިސް ބެންކިންގ ހިދުމަތް ލިބޭނެހެން ބަދަލުގެސްފައި ވެއެވެ.
މުޅި ރާއްޖެ ހިމެނޭ ބެންކިންގ ވިއުގަޔަކާއެކު 20 އަތޮޅުގައި 35 ބްރާންޗް، 66 ސެލްފްސަރވިސް ބޭންކިންގ ސެންޓަރ، 127 އޭޓީއެމް، 200 އަށް ވުރެ ގިނަ ކޭޝް އޭޖެންޓުންގެ އިތުރުން އެންމެ ޒަމާނީ އޮންލައިން ބެންކިންގ ޚިދުމަތް މިހާރުވެސް ބީއެމްއެލުން އަންނަނީ ފޯރުކޮށްދެމުންނެވެ.
