މަޝްހޫރު ތަރިން ގެންގުޅެނީ އަގުބޮޑެތި އެއްޗެއްސެވެ. ލަނީ އަގުބޮޑު ހެދުމެވެ. އަޅަނީ އަގުބޮޑު ގަހަނާއެވެ. ކެވެނީވެސް މޮޅެތި އެއްޗެއްސެވެ. ވާނީވެސް އެހެން ތާއެވެ. އެތައް ހާސް ޑޮލަރު އެ މީހުން ކުޅޭ އެންމެ ފިލްމަކުންވެސް ލިބެއެވެ.
އިންޑިއާއަށް ބަލާއިރު، ބޮލީވުޑް ތެރޭގައިވެސް މި ބައި ވަރަށް ބޮޑެވެ. ހާއްސަކޮށް، ފިލްމްތަކުން ފެންނަ ލީޑް އެކްޓްރެސް އާއި އެންމެ އަގުބޮޑުތަރިންގެ ތެރޭގައި މި ބައި ވަރަށް ބޮޑެވެ. މީގެ ތެރެއިން އެއް ތަރިއަކީ ދިޕިކާ ޕަދުކޯން އެވެ. އޭނާގެ އަތުގައި އަގުބޮޑު އެތައް ދަބަހެއް އެބަ ހުއްޓެވެ.
މިގޮތުން ދިޕިކާ ގެންގުޅޭ ދަބަސްތަކުގެ ތެރެއިން ފާހަގަކޮށްލެވޭ ބައެއް ދަބަސްތަކަށް ބަލާލަމާ ހިނގާށެވެ.
1- ހެރމްސް ކެލީ ބޭގް
މިއީ ދިޕިކާ ގެންގުޅޭ އެންމެ އަގުބޮޑު އެއް ލަގްޒަރީ ދަބަހެވެ. ބްރައުން ކުލައިގެ ލެދާ ކެލީ އެ ދަބަހުގެ އަގު އުޅެނީ އަށް ލައްކަ ރުޕީސް ގައެވެ. ދިޕިކާ އަޅާ ބައެއް ހެދުމާއެކު، އެ ދަބަސް ބޭނުން ކުރެއެވެ.
2- ޗެނަލް ޓޮޓެ ބޭގް
މިއީ ދިޕިކާ ގެންގުޅޭ ދަބަސްތަކުގެ ތެރެއިން ބޮޑު އެއް ދަބަހެވެ. މި ދަބަހުގެ އަގަކީ 2.2 ލައްކަ ރުޕީސް އެވެ.
3- ސެލީން ޓޮޓެ ބޭގް
މިއީ ދިޕިކާ މާކަމުދާ ދަބަހެއް ކަމަށް މީޑިއާތަކުން ބުނެއެވެ. އެގޮތުން އެތައް ފަހަރަކު އޭނާ އެ ދަބަސް ހިފައިގެން ތަންތަނުގައި އުޅޭ މަންޒަރު ފެނިފައިވާ ކަމަށް މީޑިއާތަކުން ބުނެއެވެ. އެ ދަބަހަކީ އެތައް ހެދުމަކާއި ގުޅޭ ދަބަހަކަށްވުމުން ކަމުގައި ވެދާނެއެވެ.
މި ދަބަހުގެ އަގަކީ 2.8 ލައްކަ ރުޕީސް އެވެ.
