ހުޅުމާލޭ ކައިރީގައި އޮތް ދޯންޏަކުން 130 ކިލޯގެ މަސްތުވާތަކެތި އަތުލައިގަތް މައްސަލާގައި ފުލުހުން ހައްޔަރުކުރި ގއ. ވިލިނގިލިީ ލައިޓްހައުސް ޝަހީބް އިބްރާހީމަކީ އިދިކޮޅު ޕީއެންސީގެ ކައުންސިލް މެމްބަރެއްކަން ހާމަވެއްޖެ އެވެ.
ޝަހީބްއަކީ ރައީސް އަބްދުﷲ ޔާމީންގެ ވެރިކަމުގައި ހައުސިން މިނިސްޓްރީގެ ކޯޑިނޭޓަރެއްގެ މަޤާމުވެސް ފުރުއްވައި ޕީޕީއެމްގެ ކެމްޕެއިން ހަރަކާތްތަކުގައި ވަރަށް އިސްކޮށް ހަރަކާތްތެރިވި މީހެކެވެ. މިމައްސަލާގައި ހައްޔަރުކޮށްފައިވަ ޝަހީބަކީ މަސްތުވާތަކެއްޗާ ގުޅުން ހުރި އެންމެ އިސް އެކަކު ކަމަށް، ތުހުމަތުކުރެވޭ މީހާއެވެ.
ޑްރަގްގެ ބޮޑު މައްސަލާގައި ހައްޔަރުކުރި ޝަހީބްގެ ވަނަވަރު މިއަދު އާންމުކުރުމާއިއެކު ގިނަބައެއްގެ ފާޑުކިޔުންވަނީ ސޯޝަލް މީޑިޔާގައި ފާޅުކުރަމުންނެވެ. ޙާއްސަކޮށް ޕީޕީއެމް ޕީއެންސީއާއި އިދިކޮޅު ފަރާތްތަކުންދަނީ ސޯޝަލް މީޑިޔާގައި ވަރަށްބޮޑަށް އެކޯލިޝަނަށް ފާޑުކިޔަމުންނެވެ.
ވައްކަން ސާބިތުވެގެން ޖަލުގެ މިވަގުތު އޮތް ޔާމީން އާއި މެޑަމް އާއި ވަރަށްވެސް ވަރަށް ވެސް ގާތް ބޭފުޅެއް.#130KG
130 kilo ge masthuvaathakethee ge massalaigai iskoh huri Shaheeb akee PNC ge council ge member eh pic.twitter.com/U4KrH8L2v3
— ??? (@Simwarr) October 14, 2020
ބައެއް ބޭފުޅުންވަނީ އޭނާއާއި ޕީޕީއެމް ޕީއެންސީގެ އިސްބޭފުޅުނާއިއެކު ނަގާފައިވާ ފޮޓޯތައް ސޯޝަލް މީޑިޔާގައި ދައުރުކުރަމުންނެވެ. އަދި މިކަމަކީ ޕީޕީއެމް ޕީއެންސީ ކައުންސިލުން ފާސްކޮށްގެން ކުރާކަމެއްތޯ ސުވާލުކޮށްފައެވެ.
ޕީއެންސީގެ ކައުންސިލް ފާސްކުރި ކަމެއް ތޯ ތަންފީޒު މިކުރަނީ! @Banafsaa އިސްވެ ހުރެގެން. #130KG pic.twitter.com/Syjm0bH71E
— Iqbaal Ahmed ?? (@IqbaalAhmed20) October 14, 2020
ސޯޝަލްމީޑިޔާގައި މިހާތަނަށް ފާޅުކުރަމުންދާ ޙިޔާލްތަކަށް ޕީޕީއެމް ޕީއެންސީން އެއްވެސް އެއްޗެއް ވިދާޅުވެފައި ނުވެއެވެ. ބައެއް ފަރާތްތަކުންވަނީ މިކަމަކީ އުމަރު ނަސީރު އޭރު ކުރެއްވި ކަންކަން ހަގީގަތަކަށް ވެގެނެދިޔަ ކަމެއްކަމުގައިވެސް ސިފަ ކޮށްފައެވެ.
ކަންނެލި ދޯންޏަކުން 100 އަށް ވުރެ ގިނަ ކިލޯގެ ޑްރަގް އަތުލައިގަތް ނެޓްވޯކުގައި ހިމެނޭ އިސްމީހަކީ ޕީއެންސީގެ ކައުންސިލް މެމްބަރު ޝަހީބް. އަދި ޔާމީން ސަރުކާރުގައި ހައުސިންގް މިނިސްޓްރީގެ ކޯޑިނޭޓަރުކަން ކުރި މީހެކެވެ. ޔާމީނަކީ ވެސް ޑްރަގް ޑީލަރެއް ކަމަށް ރައްޔިތުން ތުހުމަތު ކުރޭ. pic.twitter.com/zWRuur7huQ
— ??? ?? (@HassanImsad) October 14, 2020
މި އޮޕަރޭޝަނުގައި ހޯދި މަސްތުވާތަކެތީގެ ވަގުތީ ބަރުދަނުގައި 130 ކިލޯ ހުރިކަމަށާއި، ހޯދާފައިވާ މަސްތުވާތަކެތީގެ ބާވަތްތަކުގެ ތެރޭގައި މެޓައެމްފިޓަމިން އާއި ހެރޮއިން ހިމެނޭކަމަށްވެސް ފުލުހުން ވިދާޅުވެއެވެ.
މިތަކެތި ރާއްޖެއަށް އެތެރެކުރުމުގައި އިސްކޮށްހުރި މީހަކީ ގއ. ވިލިނގިލި، ލައިޓްހައުސް، ޢުމުރުން 42 އަހަރުގެ ޝަހީބް އިބްރާހިމާއި، ހއ. ހޯރަފުށި، ވައިލެޓްވިލާ، ޢުމުރުން 48 އަހަރުގެ އަހްމަދު މޫސާކަމަށް ފުލުހުން ވިދާޅުވެއެވެ.
ޝަހީބް އިބްރާހިމަކީ 2019 ނޮވެމްބަރު މަހުގެ ތެރޭގައި ރާއްޖެއަށް މަސްތުވާތަކެތި އެތެރެކުރާކަމަށް ތުހުމަތުކުރެވޭ މައްސަލައަކާ ގުޅިގެން ރާއްޖޭގެ ކަނޑުގެ ސަރަހައްދު ތެރެއިން ފުލުހުންގެ ބެލުމުގެ ދަށަށް ގެނައި އިރާން ބޯޓުގެ މައްސަލައާ ގުޅުން އޮތް ފަރާތެއްކަމަށް ފުލުހުން ވިދާޅުވެއެވެ. އަދި ރާއްޖެއަށް މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ހިފެހެއްޓި އިރާން ބޯޓުން ހައްޔަރުކުރި 7 މީހުންނާއި ޖާމިނު ވެފައިވަނީ ޝަހީބް އިބްރާހިމްކަމަށްވެސް ފުލުހުން ވިދާޅުވެއެވެ. އަދި އެމައްސަލާގައި ޝަހީބް އިބްރާހިމް އާއި ޖާމިނުކޮށް އީރާން 7 މީހުން ކްރިމިނަލް ކޯޓުން ވަނީ ބަންދުން ދޫކޮށްލާފައިވާކަން ފުލުހުން ފާހަގަކުރައްވައެވެ
