ބީއެމްއެލްގެ ކާޑު ބޭނުންކޮށްގެން ވިޔަފާރި ކުރުމުން ޑިސްކައުންޓް ލިބޭ "އޮފާސް ޕޯޓަލް" ތައާރަފްކޮށްފި އެވެ.
ބީއެމްއެލްއިން ބުނީ އެ ބޭންކުގެ މާޗެންޓުންނާ ގުޅިގެން ކުރިއަށްގެންދާ އެ ޕްރޮގްރާމުގައި ބީއެމްއެލް ކާޑު ބޭނުންކޮށްގެން ކުރާ ވިޔަފާރިތަކަށް 25 ޕަސެންޓާ ހަމައަށް ޑިސްކައުންޓް ލިބޭނެ ކަމަށެވެ.
އަދި ބީއެމްއެލް އޮފަރސް ޕޯޓަލްގައި ލިސްޓު ކުރެވިފައިވާ ފިހާރަތަކުން ވިޔަފާރިކޮށްގެން ކަސްޓަމަރުންނަށް މި ޑިސްކައުންޓް ލިބިގެންދާނެ ކަމަށް ބީއެމްއެލުން ބުންނެއެވެ.
އެގޮތުން ލިސްޓު ކުރެވިފައިވާ ވިޔަފާރިތަކުގެ ތެރޭގައި ރީޓެއިލް ފިހާރަތަކާއި، ރެސްޓޯރަންޓް، ފަރުނީޗަރު އަދި ހެދުން ވިއްކާ ފިހާރަތަކާއި ކޮސްމެޓިކްސް ފިހާރަ ތަކުގެ އިތުރުން ގިނަ ފިހާރަތައް ހިމެނޭ ކަމަށް އެ ބެންކުން ބުނެއެވެ.
އޮފަރ ޕޯޓަލްއާ ގުޅޭ އިތުރު މައުލޫމާތު އެ ބެންކުގެ ވެބްސައިޓުން ލިބޭނެ ކަމަސްވެސް ގައުމީ ބެންކުން ވަނީ ބުނެފައެވެ.
