ފަތުރުވެރިކަމުގެ ސިނާއަތުގައި މަސައްކަތްކުރާ މުވައްޒަފުންނަށް ކޯވިޑް-19 ވެކްސިން މާދަމާ ދޭން ފަށާނެކަމަށް ޓޫރިޒަމް މިނިސްޓަރ ޑރ.ޢަބްދުﷲ މައުސޫމް ވިދާޅުވެއްޖެއެވެ.
ރާއްޖޭގައި ކޯވިޑް-19އިން ރައްކާތެރިވުމަށް ވެކްސިން ދޭން ފަށާފައިވަނީމިމަހުގެ ފުރަތަމަ ދުވަހުއެވެ. ޓޫރިޒަމް މިނިސްޓަރ މައުސޫމުން ވިދާޅުވީ، ފަތުރުވެރިކަމުގެ ސިނާއަތުގައި މަސައްކަތްކުރާ މީހުންނަށް ވެކްސިން ދިނުމަށް ހިންގާ ޕްރޮގްރާމްގެ ދަށުން އެންމެ އިސްކަމެއް ދެއްވާނީ ސީދާ ފަތުރުވެރިންނާއި ދިމާވެ ޚިދުމަތް ދެމުން އަންނަ މީހުންނަށްކަމަށެވެ. ނަމަވެސް ރާއްޖެއަށ ވެކްސިން ލިބެމުންދާ މިންވަރަކުން އެ ސިނާއަތުގައި ހަރަކާތްތެރިވާ އެންމެނަށްވެސް ވެކްސިން ދޭނެކަމަށް މިނިސްޓަރ ވިދާޅުވިއެވެ.
#COVID19 vaccination for #Maldives tourism sector employees will start from 4 Feb. Thanks to HEP Solih @ibusolih for speeding up the vaccination of #tourism frontline team. With this initiative, #Maldives will top the leader board of World's safest destinations.#TogetherWeCan
— Abdulla Mausoom (@Mausoom_Maus) February 3, 2021
ޓޫރިޒަމް މިނިސްޓަރ ވިދާޅުވީ، ފަތުރުވެރިކަމުގެ ސިނާއަތުގެ މީހުންނަށް ވެކްސިން ދިނުމަށް އެމީހުންގެ މަޢުލޫމާތު އެއްކުރުމުގެ މަސައްކަތްކުރައްވަމުން ގެންދަވާކަމަށާއި، އެކަމަށް އެ ސިނާއަތުގައި ހަރަކާތްތެރިވާ ފަރާތްތަކުން ބޮޑު އެއްބާރުލުމެއް ދެމުން އަންނަކަމަށެވެ.
ފަތުރުވެރިކަމުގެ ސިނާއަތުގައި ހަރަކާތްތެރިވާ މީހުންނަށް މާދަމާ ވެކްސިން ދޭން ފަށާއިރު، މިހާތަނށް 20،000 ވެކްސިން ޑޯޒް ވަނީ އެމީހުންނަށް ޚާއްޞަކޮށްފައެވެ. އެހެންކަމުން 10،000 މީހުންނަށް ވެކްސިންގެ ދެ ޑޯޒް ދެވޭނެއެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ރާއްޖޭގައި އެސިނާއަތުގައި ގާތްގަނޑަކަށް 51000 މުވައްޒަފުން މަސައްކަތްކުރަމުން ގެންދެއެވެ.
ކޮމެންޓު ފޮނުވާ