ވަރލްޑް ބޭންކުން ދިވެހިރާއްޖެއަށް ޚާއްޞަކޮށްގެން ހިންގަމުން އައި "ވަރލްޑް ބޭންކް މޯލްޑިވްސް" އެކްސް (ކުރީގެ ޓްވިޓަރ) އެކައުންޓް ބަންދުކުރަން އެ އިދާރާއިން ނިންމައިފިއެވެ.
މިކަން ހާމަކޮށް އެ ބޭންކުގެ ސޯޝަލް މީޑިއާގައި އާންމުކުރި ޕޯސްޓެއްގައި ބުނެފައިވަނީ، ރާއްޖެއަށް ޚާއްޞަ އެކައުންޓް އުވާލި ނަމަވެސް، ކުރިއަށް އޮތް ތަނުގައި ރާއްޖޭގެ އިޤްތިޞާދާ ގުޅޭ މަޢުލޫމާތާއި، ރިޕޯޓުތަކުގެ އިތުރުން މުހިންމު ޚަބަރުތައް ގެނެސްދެމުންދާނީ "ވަރލްޑް ބޭންކް އޭޝިއާ" ގެ މައި އެކައުންޓް މެދުވެރިކޮށް ކަމަށެވެ. މީގެ އިތުރުން، މިހާތަނަށް ދިވެހިންގެ ފަރާތުން އެ ބޭންކަށް ލިބެމުންދިޔަ ބޮޑު ތަރުހީބާއި އެއްބާރުލުމަށް އެ ޕޯސްޓުގައި ވަނީ ވަރަށް ބޮޑަށް ޝުކުރު އަދާކޮށްފައެވެ.
We’re closing this account. Thank you for your continued support & engagement. It was a pleasure to share our stories & insights with you.
You can continue to follow our work & stay connected:
➡️ @WorldBankSAsia
➡️ https://t.co/mJSdMzHBbQWe look forward to seeing you there! pic.twitter.com/F0tFo8wDO6
— World Bank Maldives (@WBMaldives) May 10, 2026
މި އެކައުންޓް ބަންދުކުރަން ނިންމި ސީދާ ސަބަބެއް ތަފްޞީލުކޮށްދީފައި ނުވި ނަމަވެސް، މިއީ އެ އިދާރާގެ މެނޭޖްކުރުމުގެ އުސޫލުތަކަށް ގެނައި ބަދަލެއްގެ ތެރެއިން ނިންމި ނިންމުމެއްކަމަށް ވަރލްޑް ބޭންކުން ވަނީ މަޢުލޫމާތު ދީފައެވެ. މި ބަދަލާ ގުޅިގެން ރާއްޖޭގެ ދައުލަތުގެ ކަމާބެހޭ އެއްވެސް އިދާރާއަކުން މިހާތަނަށް ރަސްމީކޮށް އެއްޗެއް ބުނެފައެއް ނުވެއެވެ.
ކޮމެންޓު ފޮނުވާ