އިސްރާއީލުގެ ބޮޑުވަޒީރު، ނަތަންޔާހޫގެ ޓުވިޓަރ އެކައުންޓުގެ ބެނަރއެއްގެ ގޮތުގައި ބޭނުންކުރަމުން އައި، ޓްރަމްޕާއި ނަތަންޔާހޫއާއި ދެބޭފުޅުން އެކީގައި ވާހަކަދައްކަން ތިބޭ ފޮޓޯ ބަދަލު ކޮށްފިއެވެ.
ނަތަންޔާހޫގެ ޓުވިޓަރ އެކައުންޓުގެ ބެނަރއެއްގެ ގޮތުގައި ބޭނުން ކުރަމުންއައި މިފޮޓޯ ބަދަލު ކޮށްފައި މިވަނީ، ޓްރަމްޕްގެ ވެރިކަން ނިމެން އެންމެ 9 ދުވަހަށް ވެފައިވަނިކޮށް، އަދި އެމެރިކާގެ ސެނެޓުން އޭނާ ވެރިކަމުން ދުރުކުރުމަށް މަސައްކަތް ފަށާފައިވަނިކޮށެވެ.
ގަބޫކު ކުރެވޭގޮތުގައި، މިހާތަނަށް ޓްރަމްޕާ ސިޔާސީގޮތުން ވަރަށް ގާތް ގުޅުމެއް ބާއްވަމުންއައި ނަތަންޔާހޫ އޭނާގެ ޓުވިޓަރ އެކައުންޓުން ޓްރަމްޕް ހިމެނޭ ފޮޓޯ ނަގާފައި މިވަނީ، އެމެރިކާގެ ގާނޫނު ހަދާ މަޖިލީހުން ހިންގަން ތައްޔާރުވަމުންދާ ޚާއްސަ ތަހުގީގާ ކުރިމަތިލައްވަން ޖެހިވަޑައިގެންފައިވާ ޓްރަމްޕާ ސިޔާސީ ގޮތުން ދުރަށް ޖެހިވަޑައިގަތުމުގެ ގޮތުންނެވެ.
ޓަރަމްޕަކީ، އެމެރިކާގެ ވެރިކަންކޮށްފައިވާ ވެރިންގެތެރެއިން، ފަލަސްތީނުގެ ރައްޔިތުންގެ ހައްގުތަށް އެންމެ ބޮޑަށް ނިގުޅައިގެންފައިވާ އެއްރައީސެވެ. އެހެންނަމަވެސް، އޭނާއަށް އިސްރާއީލުގައި ވަރަށްބޮޑު ތާއީދެއް އޮވެއެވެ.
ނަތަންޔާހޫގެ ރަސްމީ ޓުވޓަރ އެކައުންޓް @netanyahu ގެ ބެނަރ ފޮޓޯގައި ދިގުމުއްދަތަކަށް، އޭނާ ޓްރަމްޕާއެކީ ވައިޓްހައުސްގައި އިންނަވަނިކޮށް ނަގާފައވާި ފޮޓޯއެއް އިނުން މިހާތަނަށް ބެލެވިގެންދިޔައީ، އިސްރާއީލުގެ ކޮންޒަވޭޓިވް ވިސްނުމުގެ ބޮޑުވަޒީރާއި ޓްރަމަޕާ ދެމެދު އޮތް ގާތްގުޅުމުގެ އިތުރުން އިސްރާއީލުގައި ޓްރަމްޕަށް އޮތް ބޮޑު ތާއީދުވެސް ރަމްޒު ކޮށްދެމުންއައި ކަމެއްގެ ގޮތުގައެވެ.
މިފަހްތާގެ އަންގާރަދުވަހަށްފަހު، ނަތަންޔހޫގެ ޓުވިޓަރ އެކައުންޓުގެ ބެނާގަ އިންނަ ފޮޓޯއެއްގެ ގޮތުގައި ހިމަނާފައިވަނީ، އޭނާ ކޯވިޑް19 ވެކްސިން ޖަހަނިކޮށް ނަގާފައިވާ ފޮޓޯއެކެވެ. މިފޮޓޯގައި މެސެޖެއްގެ ގޮތުގައި ޖަހާފައި އިންނަނީ، އެގައުމުގައި މިހާރު ކުރިޔަށްދާ ކޯވިޑް ވެކްސިންގެ ފްރޮގްރާމްގެ ޝީއާރަކަށް ހަމަޖައްސާފައިވާ "އިޒްރާއީލުގެ ރައްޔިތުން، މިދަނީ އާންމު ދިރިއުޅުމަކަށް،" މި ޝިއާރެވެ.
ޓްރަމްޕް އިރާނާ އަދި ފަލަސްތީނާ ދެކޮޅަށް ގެންގުޅެމުންއައި ހަރުކަށި ސިޔާސަތުތަކަށް ވަރަށް ބޮޑަށް ތާއީދު ކުރަމުން އައި ނަތަންޔާހޫ ވަނީ، އެނާއާއި ޓްރަމްޕާ ދެމީހުންގެ މިފޮޓޯ ޓުވިޓަރ ބެނާރގައި، އެމެރިކާގެ ނޮބެމްބަރު 3ގެ ރިޔާސީ އިންތިޚާބުގައި ރިޕަބްލިކަން ޕާޓީގެ ޖޯ ބައިޑްއަށް ކާމިޔާވެއްޖެކަން ޔަގީން ވެދިއުމަށްފަހުވެސް އެތައް ދުވަހެއް ވަންދެން ބައިންދާފައެވެ.
އެހެންނަމަވެސް، މި ފޮޓޯ ނަތަންޔާހޫގެ ޓުވިޓަރ ބެނާރއިން ވަނީ، ކޮންމެ އަހަރަކުވެސް އިސްރާއީލުގައި ފާހަގަ ކުރާ ދީނީ ދުވަހެއްކަމުގައިވާ ހަނުއްކާ ބަންދާ ދިމާކޮށް ފާއިތުވެދިޔަ މަހު ފަހުކޮޅުއައި މިދުވަހާއި ގުޅޭ ބެނާއަކަށް ބަދަލުކޮށްފައެވެ. މިފަހަރު ޓްރަމްޕްގެ ފޮޓޯ ޓުވިޓަރ އެކައުންޓުގެ ބެނަރއިން ނެގުމުން، ޓްރަމްޕާ ސިޔާސީގޮތުން ދުރަށްޖެހުމަށް ނަތަނަޔާހޫ މަސައްކަތް ކުރައްވާކަމަށް ވަރަށް ގިނަބަޔަކު ގަބޫލު ކުރިއެވެ.
އެހެންނަމަވެސް، ބަންދުގެ 8 ދުވަސް ނިމުމާއެކު، އަނެއްކާވެސް ނަތަސްޔާހޫގެ ޓުވިޓަރ އެކައުންޓުގެ ބެނާގައިވަނީ، އޭނާއާއި ޓްރަމްޕާ ދެމީހުންގެ ފޮޓޯ އަލުން ހިމަނާފައެވެ. އެހެންނަމަވެސް، މިފަހަރުގެ ބެނާރގައި ހިމަނާފައިވަނީ، ޓްރަމްޕާއި ނަތަންޔާހޫގެ އިތުރުން، ޔުނައިޓެޑް އަރަބި އެމިރޭޓްސްއާއި އަދި ބަހުރެއިންގެ ފޮރިންމިނިސްޓަރުންނާއެކު ސުހައިގެ އެއްބަސްވުމުގައި ސޮއިކުރައްވަނިކޮށް ނަގާފައިވާ ފޮޓޯއެވެ.
ޓްރަމްޕް މަގާމުން ވަކިކުރުމަށް އެމެރިކާގެ ކޮންގްރެސްގައި އަމަލީ މަސައްކަތް ފެށުމަށް އެންމެ ދުވަހަކަށް ވެފައިވަނިކޮށް، ނަތަންޔާހޫގެ ޓުވިޓަރ ބެނާރއިން، ޓްރަމްޕްގެ ފޮޓޯ އުނިކޮށްފައިވާ ސަބަބެއް ނަތަންޔާހޫގެ ފަރާތުން ހާމަކޮށްފައެއް ނުވެއެވެ.
ފާއިތުވެދިޔަ ހަފްތާގައި، ޓުވިޓަރއިންވަނީ، އެކުންފުނީގެ ސިޔާސަތުތަކާ ޓްރަމްޕް ޚިލާފްވެފައިވާ ކަމަށް ތުހުމަތުކޮށް ޓްރަމްޕްގެ ޓުވިޓަރ އެކައުންޓް ސަސްޕެންޑް ކޮށްފައެވެ. ޓްރަމްޕްގެ ޓުވިޓަރ އެކައުންޓް ސަސްޕެންޑް ކޮށްފައިވަނީ، އޭނާގެ ސަޕޯޓަރުން އެމެރިކާގެ ގާނޫނު ހަދާ މަޖިލިހަށްވަދެ ހިންގާފައިވާ ހަމަނުޖެހުންތަކާ ގުޅިގެންނެވެ.
ޓީވީ މެދުވެރިކޮށް ވާހަކަ ދައްކަވަމުން، ނަތަންޔާހޫ ވަނީ އެމެރިކާގެ ކެޕިޓަލް ހިލްއަށް ދީފައިވާ ހަމަލާތަަށް ކުއްވެރިކޮށްފައެވެ. އަދި އޭނާ ވިދާޅުވެފައިވަނީ، އެމެރިކާގެ ޑިމޮކްރަސީ ވަރުގަދަކޮށް ދެމިއޮންނާނެ ކަމަަށް ޔަގީން ކުރައްވާ ކަމުގައެވެ.
