އދ. ހަންޏާމީދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 15 އިންސައްތަ މަސައްކަތް ނިންމާލައިފިއެވެ.
އެމްޓީސީސީން ބުނެފައިވަނީ މި މަޝްރޫޢުގެ ދަށުން، މިހާރު ކުރިއަށްދަނީ މިހާރު ހަދާފައިވާ ބަނދަރު ސަރަޙައްދު ފުންކުރުމުގެ މަސައްކަތް ކުގައެވެ. އަދި މިމަޝްރޫޢުގެ ތެރެއިން މިހާރު ހަދާފައިހުރި ނެރު ފުންކުރުމުގެ މަސައްކަތް ނިމިފައިވާކަމަށް އެމްޓީސީސީން މައުލޫމާތު ދެއެވެ.
އދ. ހަންޏާމީދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 15 ޕަސެންޓް ނިމިއްޖެ. މި މަޝްރޫޢުގެ ދަށުން، މިހާރު ހަދާފައިހުރި ނެރު ފުންކުރުމުގެ މަސައްކަތް ވަނީ ނިމިފައި. އަދި މިހާރު ކުރިއަށްދަނީ ބަނދަރަށް އަލަށް އިތުރުކުރެވޭ ސަރަޙައްދު ފުންކުރުމުގެ މަސައްކަތް. pic.twitter.com/vxu5qFsJnR
— MTCC Plc (@MTCCPlc) January 12, 2021
މި މަޝްރޫގެ ދަށުން 204 މީޓަރުގެ ބޮޑުހިލައިގެ ތޮއްޓަކާއި، 266 މީޓަރުގެ އެއްގަމު ތޮއްޓަކާއި، ދެ ނެރުބައްތިއާއި، 14 ބަނދަރު ބައްތިއާއި، 1330 މީޓަރުގެ ޕޭމަންޓަކާއި، 12 މޫރިންގ ބޮލޮކާއި، 4645 ކިއުބިކް މީޓަރަށް ބަނދަރު ފުންކުރުމާއި، 404 ކިއުބިކް މީޓަރަށް ނެރު ފުންކުރުމުގެ އިތުރުން 160 މީޓަރުގެ ރިވެޓުމެންޓެއް ޖެހުމަށް ވަނީ ހަމަޖެހިފައެވެ.
މި މަޝްރޫއަށް ޖުމްލަ ހަރަދު ކުރުމަށް ހަމަޖެހިފައި ވަނީ 32 މިލިއަން ރުފިޔާއެވެ. މި މަޝްރޫޢުގައި ސޮއިކޮށްފައިވަނީ 29 ޑިސެމްބަރ 2019 ގައެވެ.
ކޮމެންޓު ފޮނުވާ