މަސްތުވާތަކެތީގެ މައްސަލައެއްގައި ތައިލެންޑުން ހައްޔަރުކޮށް، އެ ގައުމުގެ ޖަލުގައި ބަންދުކޮށްފައި ހުރި ދިވެހި ޒުވާނަކު މަރުވެއްޖެއެވެ.
ދިވެހި ފުލުހުންގެ ޚިދުމަތުން މީޑިއާތަކަށް މައުލޫމާތު ދީފައިވާ ގޮތުގައި، މި ހާދިސާގައި މަރުވެފައިވަނީ ތ. ގުރައިދޫ، ފަނަރު، އުމުރުން 22 އަހަރުގެ އިބްރާހިމް ނަބީހު ނަސީމެވެ. ފުލުހުން ބުނި ގޮތުގައި އޭނާ މަރުވެފައިވަނީ ޑްރަގް މައްސަލައެއްގައި ތައިލެންޑުގެ ޖަލެއްގައި ބަންދުކޮށްފައި ހުއްޓައެވެ.
ނަމަވެސް، ނަބީހު މަރުވާން މެދުވެރިވި ސަބަބެއް އަދި އޭނާ ހައްޔަރުކުރީ ކޮން ތާރީޚެއްގައި ކަމެއް ފުލުހުން މިހާތަނަށް ހާމަކޮށްފައެއް ނުވެއެވެ. ފުލުހުން އިތުރަށް ބުނީ މި ހާދިސާއާ ގުޅިގެން ބަލަންޖެހޭ ކަންކަން އެ އިދާރާއިން ބަލަމުން އަންނަ ކަމަށެވެ.
ކޮމެންޓު ފޮނުވާ