ރާއްޖޭގެ އުތުރު ސަރަހައްދަށް މޫސުން ރަނގަޅުވާނެ ކަމަށާއި، ދެކުނުގެ ތިން އަތޮޅަށް ބޯކޮށް ވާރޭވެހޭނެ ކަމަށް ރާއްޖޭގެ މޫސުމާބެހޭ ގައުމީ އިދާރާ (މެޓް) އިން މިއަދު ބުނެފިއެވެ. ބައެއް މީޑިއާތަކަށް މައުލޫމާތު ދެމުން މެޓުން ބުނެފައިވަނީ ވިދާޅުވީ މިރޭއާއި މާދަމާގެ ވަގުތުތަކުގައި މިހާރު ދެކުނަށް ކުރަމުންދާ ވިއްސާރަ ކުރިއަށްވެސް ގެންދާނެ ކަމަށެވެ.
އައްޑޫ ސިޓީ، ފުވައްމުލަކާއި ހުވަދޫ އަތޮޅަށް ވަނީ ބޯކޮށް ވާރޭ ވެހި، ގުގުރާނެ ކަމަށް ލަފާކުރެވިފައެވެ. ލާމު އަތޮޅުން ފެށިގެން މާލެ ހިމެނޭ ހިސާބުތަކަށް ކޮންމެވެސް ވަރަކަށް ކެރި އައުމުގެ ފުރުސަތު އޮތް ނަމަވެސް، އުތުރު ސަރަހައްދަށް މޫސުން ސާފުވެފައިވާ ކަމަށް މެޓުން ބުނެފައި ވެއެވެ. ދެކުނަށް މޫސުން ރަނގަޅުވާނީ ދެ ދުވަހެއް ފަހުންނެވެ.
ހަފްތާ ބަންދަށް ބަލާއިރު، ދެކުނަށް ކުޑަކޮށް ކެރީގެ އަސަރު ކުރާނެ ކަމަށް ބެލެވޭއިރު، ރާއްޖޭގެ އެހެން ހުރިހާ ހިސާބުތަކަށް މޫސުން ރަނގަޅުވާނެ ކަމަށް އޮފިޝަލް ވިދާޅުވިއެވެ. ކަނޑުތަކަށް ބަލާއިރު، ދެކުނާއި މެދު ރާއްޖޭގެ ހިސާބުތަކުގައި ކަނޑު ކޮންމެވެސް ވަރަކަށް ގަދަވާނެ ކަމަށް ލަފާކުރެވޭއިރު، އުތުރު ސަރަހައްދުގައި ކަނޑުތައް މަޑުވާނެ ކަމަށް މައުލޫމާތު ދީފައި ވެއެވެ.
ކޮމެންޓު ފޮނުވާ