އެމްޕީއެލް ބަނދަރުގައި ބަހައްޓާފައި ހުރި ސިނގިރޭޓް ކޮންޓެއިނަރެއް ވަގަށް ނެގި މައްސަލާގައި ހައްޔަރުކުރި 11 މީހެއްގެ މައްޗަށް ދައުވާކޮށްދިނުމަށް އެދި ފުލުހުން މިމަހުގެ ތިންވަނަ ދުވަހު ޕީޖީ އޮފީހަށް ފޮނުވައިފިއެވެ.
މި މައްސަލާގައި ހިމެނޭ ރާއްޖޭގެ މަޝްހޫރު ދެ ވިޔަފާރިވެރިންކަމަށްވާ ލޮޓަސްގެ ވެރިޔާ އަހުމަދު އާރިފް (އާއްޓޭ) އާއި އެޕޯލޯ ހޯލްޑިންސްގެ ވެރިޔާ މުހައްމަދު ވަހީދު (ދިގަލި) މިއަދު ވަނީ ބަންދުން މިނިވަންކޮށްފައެވެ. ނަމަވެސް މިފްކޯގެ ޖެނެރަލް މެނޭޖަރު މުއާޒު އަލީ އާއި ކަސްޓަމްސްގެ އިސް އޮފިޝަލެއްކަމަށްވާ ޒިވާރު އިސްމާއިލް އަދި އެމްޕީއެލްގެ ތިން މުވައްޒަފުން ހިމެނޭގޮތަށް ހަތް މީހަކު އަދިވެސް ތިބީ ބަންދުގައެވެ.
ޕީޖީ އޮފީހުން ބުނީ ގާނޫނީ މުއްދަތުގެ ތެރޭގައި މި މައްސަލައިގެ ދައުވާ ކޯޓަށް ހުށަހަޅާނެކަމަށެވެ. މި މައްސަލާގައި ހައްޔަރުކުރި އެމްޕީއެލްގެ ދެ މުވައްޒަފަކު ކުށަށް އިއުތިރާފުވެފައިވާކަންވެސް ވަނީ ހާމަވެފައެވެ.
ކޮމެންޓު ފޮނުވާ