"މުޅިފޯ، މުޅިފޯ – ހޭވާ މުޅިފޯ" ނަމުގައި އިކޮޅު ކޯލިޝަނުން މިރޭ ހއ. ކެލާގައި ޚާއްސަ ޖަލްސާއެއް ބާއްވަން ނިންމައިފިއެވެ.
"މުޅިފޯ، މުޅިފޯ – ހޭވާ މުޅިފޯ" މިބަހަކީ ކެލާގެ ސަޤާފީ ކުޅިވަރުތަކުގައި ބަންޖެއްގައި ބޭނުންކުރާ ބަހެކެވެ. މިއީ އޭގެ އެންމެ ފޯރިގަދަވެގެންދާ ވަގުތު ބޭނުންކުރާ ބަހެއްކަމަށް އެރަށުން މައުލޫމާތު ދީފައިވެއެވެ.
އިދިކޮޅު ކޯލިޝަންގެ ލީޑާޝިޕް ރަށު ބަންދުގައި ތިބެވެސް ރާއްޖޭގެ އެކި ކަންކޮޅުތަކުގައި ދަނީ ޖަލްސާތައް ކުރިއަށް ގެންދަމުންނެވެ. އެގޮތުން މިހާތަނަށް އެކޯލިޝަނުން ވަނީ ހއ.ބާރަށުގައާއި، ލ. މާވަށާއި، ފުވަށްމުލައް ސިޓީއާއި، ޅ. ނައިފަރާއި، ރ. އަލިފުށ، ހދ.ކުޅުދުއްފުށީގައި ޚާއްސަ ޖަލްސާ ބާއްވާފައެވެ. ކޯވިޑް-19 އަށް ދެމުންދާ ލުއިތަކުގެ ތެރެއިން މާލޭގައި ހަފްލާތަކައި ބައްދަލުވުންތައް ބޭއްވުމަށް ދީފައިވަ ހުއްދައަކާއިއެކު އިދިކޮޅު ކޯލިޝަނުން ވަނީ މާލެ ސިޓީގައި ވިސްނާގެ ނަމުގައި ބޮޑު ޖަލްސާއެއްވެސް ބާއްވާފައެވެ.
Progressive Congress Coalition ge Kelaa jalsaa mirey 20:45 gai PPM kelaa jagaha adhi PPM office gai onnaane.
Male gai thibbevi viihaaves gina beyfulhunnah PPM office gai onna jalsaa ah dhauvath aruvan.
Shukriyyaa pic.twitter.com/fLhXj1AUOL— Ibrahim Shujau ? (@shuja3831) January 9, 2021
މިރޭ ކެލާގައި ބާއްވާ ޖަލްސާއާއި ގުޅޭގޮތުން އިދިކޮޅު ކޯލިޝަނުން ބުނެފައިވަނީ މިޖަލްސާއަކީ ސަރުކާރުން ކެލާގެ ރައްޔިތުންނަށް ވަމުންދާ އިހުމާލާއި، ރާއީސް ޔާމިން ކެލާއަށް ގެނެސްދެއްވި ތަރައްގީއަށް އަދުގެ ސަރުކާރުން ވެފައިވާ އިހުމާލުގެއިތުރުން ކައުންސިލް އިންތިޚާބުގައި ކެލާއަށް ކުރިމަތިލައްވާފައިވާ ކެންޑިޑޭޓުންނަށް ތާއީދު ހޯދުމަށް ބާއްވާ ޖަލްސާއެއް ކަމަށެވެ.
މިރޭގެ ޖަލްސާގައިވެސް އިދިކޮޅު ކޯލިޝަންގެ ލީޑަޝިޕްގެ ބޭފުޅުން ބައިވެރިވާނީ މާލޭގެ ޕީޕީއެމް އޮފީހުގައި ތިބެގެންނެވެ. ކެލާގައި ޖަލްސާ އޮންނާނީ އެރަށުގެ ޕީޕީއެމްގެ ޖަގަހައިގައެވެ.
ކޮމެންޓު ފޮނުވާ