ކުޑަކުދިންތަކަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކޮށްފައިވާ ފަތުރުވެރިކަމުގެ ދާއިރާގެ ވިޔަފާރިވެރިޔާ ހުސައިން ސަނީ އުމަރު 30 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން މިއަދު އަމުރު ނެރެފިއެވެ.
ސަނީ އެންމެ ފުރަތަމަ ހައްޔަރުކުރީ މިދިޔަ ހޯމަ ދުވަހުއެވެ. ނަމަވެސް ދޫކޮށްލުމަށްފަހު އިއްޔެ ވަނީ އަލުން ހައްޔަރުކޮށްފައެވެ. ޕީޖީ އޮފީހުން ބުނީ ތަހުގީގަށް ކުރިއެރުން ލިބެމުންދާ ވަރަކަށް ބަންދުގެ މުއްދަތު އިތުރުކޮށް، ޝަރީއަތް ނިމެންދެން ބަންދުކުރުމުގެ އަމުރަކަށް އެދޭނެ ކަމަށެވެ.
މި މައްސަލަ އެންމެ ފުރަތަމަ ފެންމަތިވީ ސޯޝަލް މީޑިއާއިންނެވެ. ސަނީގެ އަންހެނުންގެ އާއިލާގެ ކުދިންތަކަކަށް ޖިންސީ ގޯނާކުރި ކަމަށް ތުހުމަތުކުރެވޭ މި މައްސަލައާ ގުޅިގެން، ސަނީގެ ހިއްސާ އޮންނަ ޓްރެވަލް ގައިސް ކުންފުނިން ވަނީ އޭނާގެ ހިއްސާތައް އަތުލުމުގެ މަސައްކަތް ފަށައި، ތަހުގީގަށް ފުރިހަމަ އެއްބާރުލުން ދޭނެ ކަމަށް ބުނެފައެވެ.
ކޮމެންޓު ފޮނުވާ