ފަލަސްޠީނުގެ ރައްޔިތުންނާ އެއްބައިވަންތަކަން ހާމަކުރުމުގެ ބައިނަލްއަޤުވާމީ ދުވަހާ ގުޅިގެން ރައީސް ޑރ. މުޙައްމަދު މުޢިއްޒު ވިދާޅުވީ، ފަލަސްޠީނު ރައްޔިތުންނާއެކު ދުނިޔެ އެއްބައިވަންތަކަން މަތީ ދެމިތިބިކަން ޢަމަލީ ގޮތުން ދެއްކުން އިތުރުކުރަންޖެހޭ ކަމަށެވެ.
އެކްސްގައި ކުރެއްވި ޕޯސްޓެއްގައި ރައީސް ވަނީ ހަނގުރާމަ ހުއްޓާލުމުގެ އެއްބަސްވުމާ ޚިލާފަށް އިސްރާއީލުން ޣައްޒާއަށް ދެމުންދާ ހަމަލާތަކާއި، ޤަވާއިދާ ޚިލާފަށް ފަލަސްޠީނުގައި އިސްރާއީލު ރައްޔިތުން އާބާދުކުރުމާ ދެކޮޅުކަން ހާމަކުރައްވާފައެވެ. އަދި 1967ގެ ކުރީގެ ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސް ވެރިރަށެއްގެ ގޮތުގައި ކަނޑައަޅައި، މިނިވަން ފަލަސްޠީނު ދައުލަތެއް ޤާއިމުކުރުމަށް އެ މަނިކުފާނު ގޮވާލެއްވިއެވެ.
މިދިޔަ މަހު އެމެރިކާ މެދުވެރިވެގެން އިސްރާއީލާއި ހަމާސްއިން ހަމަލާ ބަދަލުކުރުން ހުއްޓާލުމުގެ އެއްބަސްވުމެއް ހެދި ނަމަވެސް، ޣައްޒާގެ މީޑިއާ އޮފީހުން ބުނާ ގޮތުގައި އޭގެ ފަހުން އިސްރާއީލުން 497 ފަހަރު އެ އެއްބަސްވުމާ ޚިލާފުވެ، 347 މީހުން ޝަހީދުކޮށްލާފައިވެއެވެ.
ކޮމެންޓު ފޮނުވާ