"ޑިޓްވާ" ތޫފާނުގެ ސަބަބުން ސްރީލަންކާއަށް ލިބެމުންދާ ގެއްލުންތަކާ ގުޅިގެން، އެ ޤައުމަށް އެހީތެރިވުމުގެ ގޮތުން 50،000 އެމެރިކާ ޑޮލަރާއި 25،000 މަސްދަޅު ކޭސް ހަދިޔާކުރުމަށް ދިވެހި ސަރުކާރުން ނިންމައިފިއެވެ.
ފޮރިން މިނިސްޓްރީން ބުނީ މި އެހީން ރަމްޒުކޮށްދެނީ ދެ ޤައުމުގެ މެދުގައި އޮތް ގާތް ގުޅުމާއި، މިފަދަ ދަތި ވަގުތެއްގައި ލަންކާ ރައްޔިތުންނާއެކު ދިވެހިން ތިބިކަން ކަމަށެވެ. އަދި މި އެހީގެ ސަބަބުން ޙާލުގައި ޖެހިފައިވާ ފަރާތްތަކަށް ކޮންމެވެސް ވަރެއްގެ ތަސައްލީއެއް ލިބޭނެކަމަށް އުއްމީދުކުރާ ކަމަށްވެސް ބުނެފައިވެއެވެ.
މި ކާރިސާއާ ގުޅިގެން ސްރީލަންކާގެ ސިއްހީ ދާއިރާއިން ވަނީ އެއް ހަފްތާގެ އިމަޖެންސީ އިއުލާންކޮށްފައެވެ. އެގޮތުން ސިއްހީ ޚިދުމަތްދޭ ތަންތަނުން 24 ގަޑިއިރު ޚިދުމަތް ދިނުމާއި، ސިއްހީ ދާއިރާގެ މުވައްޒަފުންނަށް ޗުއްޓީ ދިނުން ވަގުތީ ގޮތުން މެދުކަނޑާލުމަށް ވަނީ ނިންމާފައެވެ.
ކޮމެންޓު ފޮނުވާ