ރަގަޅުވާނީ 2028 ގައި ޞާލިޙާއި އެމަނިކުފާނުވެސް ވާދަނުކުރުން ކަމުގައި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިއަދު އެމްޑީޕީގެ ކުރީގެ އަދި މިހާރުގެ ގައުމީ މަޖިލިސް މެންބަރުން ތިއްބަވާ ވަޓްސްއަޕް ގުރޫޕެއްގައި ވިދާޅުވީ، 2028 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙާއި އެ މަނިކުފާނު ވެސް ވާދަނުކުރެއްވުން އެމްޑީޕީއަށާއި ދިވެހި ރާއްޖެއަށް ވެސް އެންމެ ރަނގަޅު ގޮތް ކަމަށެވެ. އޭގެ ބަދަލުގައި ހުރިހާ ބޭފުޅުން އެއް ކެންޑިޑޭޓެއްގެ ފަހަތަށް އެރުން އެންމެ ރަނގަޅު ގޮތް ކަމަށް އެ މަނިކުފާނު ވިދާޅުވިއެވެ.
މިދިޔަ ރިޔާސީ އިންތިޚާބާއި މަޖިލިސް އިންތިޚާބު އެމްޑީޕީއަށް ނާކާމިޔާބުވީ ޞާލިޙަށް ނަޝީދާ ނުލައި އެކަން ކާމިޔާބު ކުރެއްވޭނެ ކަމަށް ގަބޫލުކުރެއްވުމުން ކަމަށް ނަޝީދު ތުހުމަތުކުރެއްވިއެވެ. މިއީ ރިޔާސީ ޕްރައިމަރީއަށް ނުކުންނަވާނެކަން އިއުލާނު ކުރައްވާފައިވާ ފައްޔާޒަށް ނަޝީދުގެ އަރިސް ބޭފުޅުން ތާއީދު ހާމަކުރައްވަމުން ގެންދަވާ ދަނޑިވަޅެއްގައެވެ.
ކުރިން ވަރަށް އަރިސް ދެ ބޭފުޅުން ކަމަށްވާ ޞާލިޙާއި ނަޝީދުގެ ގުޅުން ގޯސްވެ ނަޝީދާއި އެ މަނިކުފާނުގެ ސަޕޯޓަރުން އެމްޑީޕީން ވަކިވެ ދަ ޑިމޮކްރެޓްސްގެ ނަމުގައި އާ ޕާޓީއެއް ހެއްދެވިއެވެ. 2023 ގެ އިންތިޚާބުގައި "އިބޫ ނޫން ގޮތެއް" ނަމުގައި މަސައްކަތްކޮށް ރައީސް ޞާލިޙަށް ދެވަނަ ދައުރެއް ލިބުނު ދިނުމުގައި އެ ޓީމުން ވަރަށް ބޮޑު ރޯލެއް އަދާކުރިއެވެ. ޑިމޮކްރެޓްސް އުވާލައި އެނބުރި އެމްޑީޕީއާ ގުޅިވަޑައިގެންނެވި ނަމަވެސް ދެ ބޭފުޅުންގެ ވާދަވެރިކަން އަދިވެސް ވަނީ ވަރަށް ބޮޑުކޮށް ފެންނަމުން ދާކަން ފެންނަމުންދާ މަންޒަރުތަކުން ސާފުވެއެވެ.
ކޮމެންޓު ފޮނުވާ