މާލޭގެ ފާމަސީއަކުން ތިޖޫރީއެއް ވަގަށް ނެގި ކަމުގެ ކުށް ސާބިތުވެ ކުރިން ހުކުމެއް އިއްވާފައިވާ މީހަކު، ބިރު ދެއްކުމުގެ މައްސަލަތަކެއްގައި އަނެއްކާ ވެސް ހައްޔަރުކޮށްފިއެވެ.
ހައްޔަރުކޮށްފައިވަނީ ގދ. ގައްދޫ ފެތިރޯނުގެ އަބްދުﷲ މުތުއިމް މުހައްމަދެވެ. އޭނާ ކޯޓަށް ހާޒިރުކުރުމުން އިއްޔެ އޭނާގެ ބަންދަށް 15 ދުވަސް ޖަހާފައިވެއެވެ. ދައުލަތުން ޝަރީއަތް ނިމެންދެން ބަންދު ކުރަން އެދުނު ނަމަވެސް އެކަން ނިންމާނީ މައްސަލަ ބަލާ ގާޒީ ކަމަށް ކޯޓުން ބުނެފައިވެއެވެ.
އަބްދުﷲ މުތުއިމް މުހައްމަދު 2020 ޖޫން 4 ވަނަ ދުވަހުގެ ވަގުތެއްގައި އިތުރު ބަޔަކާއެކު އޯކިޑު މަގުގައި ހުންނަ ސެންޓްރަލް މެޑިކަލް ސެންޓަރުގެ ފާމަސީގެ ދޮރު ހަލާކުކޮށްގެން ވަދެ، އެފާމަސީގެ ތިޖޫރީއެއް ވަގަށް ނެގި މައްސަލައިގައި 28،800 ރުފިޔާއިން ޖޫރިމަނާކޮށްފައިވެއެވެ.
އަބްދުﷲ މުތުއިމްގެ މައްޗަށް 2022 އޯގަސްޓް 23 ވަނަ ދުވަހު މާލެއިން ގެސްޓްހައުސްއަކަށް މީހަކު ގެންގޮސް ރަހީނުކޮށް، މާރާމާރީ ހިންގައި ފައިސާ ފޭރިގަނެފައިވާ މައްސަލައިގައި ވެސް ދައުވާ އުފުލާފައިވެއެވެ.
ކޮމެންޓު ފޮނުވާ