ގަވައިދާ ޚިލާފަށް ބަނގުރާ ގެންގުޅެ، އެ ތަކެތީގެ ވިޔަފާރި ކުރި ކަމުގެ ތުހުމަތުގައި ހައްޔަރުކުރި މީހުންގެ ތެރޭގައި ކޮންސްޓެބަލް މަގާމުގައި ހުންނަ އަންހެން ފުލުހަކު ހިމެނޭ ކަމަށް ފުލުހުން ހާމަކޮށްފިއެވެ. މިދިޔަ މަހުގެ 17 ވަނަ ދުވަހު ކ. ތުލުސްދޫގައި ހިންގި އޮޕަރޭޝަނުގައި ދިވެހި ހަތް މީހަކު ހައްޔަރުކޮށް، ގެސްޓްހައުސްއެއް ބަލައިފާސްކުރުމުން ބަނގުރާ ކަމަށް ބެލެވޭ އެއްޗެއް ހުރި ދެ ފުޅިއާއި ތައްޓެއް ފެނިފައިވެއެވެ.
ނަމަވެސް އެ މީހުން ކޯޓަށް ހާޒިރު ނުކޮށް ދޫކޮށްލުމަށްފަހު، އަންހެން ފުލުސް ސަސްޕެންޑުކޮށް، މައްސަލަ ޑިސިޕްލިނަރީ ބޯޑަށް ހުށަހަޅާފައިވެއެވެ. ބޯޑުން އޭނާ ވަޒީފާއިން ވަކިކުރުމަށް ލަފާދީފައިވާ ކަމަށް ފުލުހުން ބުނެއެވެ. މަސްތުވާތަކެތީގެ މައްސަލަތަކުގައި ފުލުހުން ޝާމިލުވުމުގެ މައްސަލަތައް މީގެ ކުރިން ވެސް ފެންމަތިވެފައިވެއެވެ.
ކޮމެންޓު ފޮނުވާ