ހުޅުމާލެ ފޭސް 3 ގައި ބިދޭސީން ދިރިއުޅޭ ސައިޓަކުން ވަގަށްނެގި 20،000 ޑޮލަރާއި އެހެނިހެން ތަކެތި ފުލުހުން ހޯދައި ވެރިފަރާތާ ހަވާލުކޮށްފިއެވެ. އޮކްޓޫބަރު 24 ވަނަ ދުވަހުގެ ރޭ 2:40 ހާއިރު ހުޅުމާލެ ފޭސް 2 ގެ ފުލުހުން ޕެޓްރޯލްކުރަމުން ދަނިކޮށް، ބިދޭސީން ދިރިއުޅޭ ސައިޓަކުން ވައްކަންކޮށްގެން އުޅޭކަމުގެ މައުލޫމާތު ލިބިފައިވެއެވެ. މައުލޫމާތުގައި ބުނެފައިވަނީ 20،000 ޑޮލަރު ހިމެނޭ ދަބަހެއް ވަގަށްނަގާފައިވާ ކަމަށެވެ.
މި މައުލޫމާތާ ގުޅިގެން ފުލުހުން އެ ސަރަހައްދު ބަލައިފާސްކުރުމުން ޑޮލަރުތަކާއި ދަބަސް، ވޮލެޓްތަކާއި އެހެނިހެން ތަކެތި ގަސްތަކެއްގެ ތެރޭގައި ފޮރުވާފައި ހުއްޓާ ފެނިފައިވެއެވެ. މި ތަކެތި މިހާރު ވަނީ ވެރިފަރާތާ ހަވާލުކޮށްފައެވެ. މި މައްސަލައާ ގުޅިގެން މީހަކު ހައްޔަރުކޮށްފައެއް ނުވާއިރު، ފުލުހުން މައްސަލަ ތަހުގީގު ކުރަމުންދެއެވެ.
ކޮމެންޓު ފޮނުވާ