ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހައްދުންމަތީ އަތޮޅަށް ކުރައްވަމުން ގެންދަވާ ދަތުރުފުޅުގައި، އިސްދޫގައި ބީއެމްއެލް އޭޓީއެމްގެ ޚިދުމަތް ރަސްމީކޮށް ހުޅުއްވައިދެއްވައިފިއެވެ. އެރަށުގައި ބޭއްވި ހާއްސަ ރަސްމިއްޔާތުގައި ރައީސް އޭޓީއެމް ހުޅުއްވުމަށްފަހު ހަނދާނީ ބޭންކު ކާޑެއް ރަށު ކައުންސިލާ ހަވާލުކުރެއްވިއެވެ.
އިސްދޫގައި ގާއިމުކުރި އޭޓީއެމްއިން 24 ގަޑިއިރު ފައިސާ ނެގުމާއި ޖަމާކުރުން، ބިލް ދެއްކުމާއި ޓްރާންސްފަރުގެ ހިދުމަތް ލިބޭނެއެވެ. ހައްދުންމަތީ އަތޮޅުގެ ހަތް ރަށުގައި އޭޓީއެމް ގާއިމުކުރުމާއެކު، މިއަހަރު އައު އޭޓީއެމް ހަރުކުރި ރަށްރަށުގެ އަދަދު 103 އަށް އަރައިފިއެވެ.
މުޅި ރާއްޖެއަށް އޭޓީއެމް ބެހެއްޓުމުގެ މަޝްރޫޢުގެ ދަށުން މިހާތަނަށް 18 އަތޮޅުގެ މީހުން ދިރިއުޅޭ ހުރިހާ ރަށެއްގައި ބީއެމްއެލް އޭޓީއެމް ވަނީ ގާއިމުކޮށްފައެވެ. އިޤްތިޞާދީ ވުޒާރާގެ ބެލުމުގެ ދަށުން ބޭންކް އޮފް މޯލްޑިވްސްއިން ކުރިއަށް ގެންދާ މިމަޝްރޫޢު މިއަހަރުގެ ނިޔަލަށް ނިންމުމަށް ވަނީ ހަމަޖެހިފައެވެ.
ކޮމެންޓު ފޮނުވާ