އައްޑޫ ސިޓީގައި ދިމާވެފައިވާ ކަރަންޓުގެ މައްސަލައަށް ހައްލެއް ހޯދުމުގެ މަސައްކަތުގެ ގޮތުން ފެނަކައިން 1.8 މެގަވޮޓުގެ ދެ އާ ޖެނެރޭޓަރު ގެނައުމުގެ މަސައްކަތް ފަށައިފިއެވެ. މި ޖެނެރޭޓަރުތައް ހިފައިގެން އައި އުޅަނދު މިހާރު މާލޭގެ ބަނދަރަށް ވަނީ ބަނދަރު ކޮށްފައެވެ.
އެކަމަކު މި ތަކެތި އައްޑޫއަށް ގެންދާނެ ތާރީހެއް ފެނަކައިން އަދި ހާމައެއް ނުކުރެއެވެ. ކަރަންޓު ކެނޑޭ މައްސަލައާ ގުޅިގެން އައްޑޫގެ ރައްޔިތުން ކުރަމުން އަންނަ ޝަކުވާތައް މިހާރު އިންތިހާއަށް ބޮޑުވެފައިވާއިރު، ގުޅިފައިވާ ރަށްތަކުން ކަރަންޓް ދޭތެރެ ދޭތެރެއިން ކެނޑެމުން ދެއެވެ.
އައްޑޫގެ ގިނަ ބަޔަކު ގަބޫލުކުރާ ގޮތުގައި މި މައްސަލައަށް ދާއިމީ ހައްލެއް ލިބޭނީ އާ ޕަވަރ ހައުސް ނިމުމުންނެވެ. ނަމަވެސް މި ސަރުކާރުން އެ މަޝްރޫއު ޗައިނާގެ ކުންފުންޏަކާ ހަވާލުކޮށްފައިވީނަމަވެސް އަމަލީ މަސައްކަތް މިހާތަނަށް ފަށާފައެއް ނުވެއެވެ.
ކޮމެންޓު ފޮނުވާ