ކްރޮސްރޯޑްސްގައި ސްކޫލް ކުދިން ކޭމްޕް ދާނެ ތަނެއް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ހުޅުވައިދެއްވައިފިއެވެ. ޑްރީމް އައިލެންޑް ޓޫ ލިމިޓެޑުން ކްރޮސްރޯޑްސްގެ އިޖްތިމާޢީ ޒިންމާގެ ދަށުން ޤާއިމްކޮށްދީފައިވާ މި ކޭމްޕް ސަރަހައްދަކީ ތިން ހެކްޓަރުގެ ބިމެއްގައި ޤާއިމްކޮށްފައިވާ ތަނެކެވެ.
މި ތަން ހުޅުވުމުގެ ރަސްމިއްޔާތުގައި ވާހަކަދައްކަވަމުން ތަޢުލީމީ ވަޒީރު ޑރ. އިސްމާއިލް ޝަފީޢު ވިދާޅުވީ މާލެ ކައިރީގައި ކެޑޭޓު، ގައިޑު އަދި ސްކައުޓު ހަރަކާތްތަކުގައި ކޭމްޕް ދާނެ ތަނެއް ނެތުމަކީ ތަޢުލީމީ ދާއިރާގެ ގިނަބައެއްގެ ކަންބޮޑުވުމަކަށްވެފައި އޮތްއިރު، މިހާރު އެ މައްސަލައަށް ހައްލެއް ލިބިފައިވާ ކަމަށެވެ. ދަރިވަރުންނަށް ކިޔެވުމުގެ އެކި ހަރަކާތްތަކާއި ދިރާސާތައް ކުރިއަށް ގެންދިޔުމަށްވެސް މި ތަން ބޭނުންކުރެވޭނެ ކަމަށާއި، ކުދިންގެ ހުނަރުތައް ތަރައްޤީކުރުމަށް މި ތަނުގެ ބޭނުން ފުރިހަމައަށް ހިފުމަށް ވަޒީރު އިލްތިމާސް ކުރެއްވިއެވެ.
މި ކޭމްޕް ސައިޓްގައި އެޑްމިން އޮފީހަކާއި، ފަސްޓް އެއިޑް ރޫމަކާއި، ދުވަހު ކޮޓަރިއާއި މިސްކިތެއް ހިމެނެއެވެ.
ކޮމެންޓު ފޮނުވާ