"މުޅި ރާއްޖެއަށް ބީއެމްއެލް އޭޓީއެމް" މަޝްރޫއުގެ ދަށުން މިއަދު އދ. ދިއްދޫގައި އޭޓީއެމް ހިދުމަތް ފަށައިފި އެވެ. އެރަށުގައި އިއްޔެ ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒުއާއި ވަޒީރުންނާއި ބީއެމްއެލްގެ އިސްބޭފުޅުން ބައިވެރިވެވަޑައިގެންނެވި އެވެ.
މި ހަފްތާތެރޭގައި ފެންފުށި، ކުނބުރުދޫ އަދި މަންދޫގައި ވެސް އޭޓީއެމް ހިދުމަތް ގާއިމުކޮށް، މުޅި އދ. އަތޮޅަށް ބީއެމްއެލް އޭޓީއެމް ވިއުގަ ފުޅާކުރާނެ ކަމަށް ބީއެމްއެލް އިން ބުނެފައި ވެއެވެ. ބީއެމްއެލްގެ މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ މި އަތޮޅުގައި ކުރާ އިންވެސްޓްމަންޓަކީ ބޭންކަށާއި މުޅި އަތޮޅުގެ މުޖުތަމައުތަކަށް ވަރަށް މުހިންމު ލަނޑުދަނޑިއެއް ހާސިލުކުރެވޭ އިންވެސްޓްމަންޓެއް ކަމަށެވެ. ރާއްޖޭގެ ހުރިހާ ކަންކޮޅުތަކެއްގެ ރައްޔިތުންނަށް ބޭންކުގެ ހިދުމަތްތައް ފަސޭހަކަމާއެކު ފޯރުކޮށްދިނުމަކީ ބޭންކުގެ އަމާޒު ކަމަށް ވެސް އޭނާ ވިދާޅުވި އެވެ.
މިހާރު ރާއްޖޭގެ 20 އަތޮޅުގައި 42 ބްރާންޗާއި 189 ސެލްފްސާވިސް ބޭންކިން ސެންޓަރާއި 247 އޭޓީއެމް ގާއިމުކޮށްފައިވެ އެވެ.
ކޮމެންޓު ފޮނުވާ