ސިނަމާލެ ބްރިޖުގައި ދެ އެކްސިޑެންޓެއް ހިނގާ ތިން މީހަކަށް އަނިޔާ ވެއްޖެ

މާލެ، މެއި 22 – ސިނަމާލެ ބްރިޖުގައި ރޭ ހިނގި ދެ އެކްސިޑެންޓެއްގައި ތިން މީހަކަށް އަނިޔާވެއްޖެއެވެ. އަނިޔާވި މީހުންގެ ތެރޭގައި އެކަކުގެ ފަލަމަސްގަނޑު ބިނދުނު ކަމަށް ފުލުހުން ބުނެފައިވެ އެވެ.

ފުލުހުން ދިން މަޢުލޫމާތު ބަލާއިރު، ފުރަތަމަ އެކްސިޑެންޓު ހިނގާފައި ވަނީ ގަޑި 9:48 ގައި، ސައިކަލެއް މަޑު ކުރި ވަގުތު ފަހަތުން އައި އެހެން ސައިކަލެއް އެ ސައިކަލުގައި ޖެހި މަޑު ނުކުރެވިގެންނެވެ. އޭގެ ސަބަބުން ދެ ސައިކަލު އެކުލެވިގެން ކުރިމަތީ އޮތް ކާރެއްގައި ޖެހިގެން ކަމަށް ފުލުހުން ވިދާޅުވެފައިވެ އެވެ.

ފުރަތަމަ އެކްސިޑެންޓުގެ ސަބަބުން ޓްރެފިކް ބަންދުވެ މަޑުކޮށްގެން އޮތް ވަގުތު، އެހެން ސައިކަލެއް ބްރިޖުގައި މަޑުކޮށްގެން އޮތް ކާރެއްގެ ފަހަތުން ޖެހިގެން ދެވަނަ އެކްސިޑެންޓު ހިނގީއެވެ. މި އެކްސިޑެންޓުގައި ސައިކަލު ދުއްވަން އިން މީހާގެ ފަލަމަސްގަނޑު ބިނދުނު ކަމަށް ފުލުހުން ބުނެފައިވެ އެވެ. މި މީހާ އަނިޔާވި މީހުންގެ ތެރޭގައި އެންމެ ނޭދެވޭ ގޮތަށް އަނިޔާވި މީހާ ކަމަށް ދެނެގަތެވެ.

އަނިޔާވި ތިން މީހުންނަށް ވެސް ހޮސްޕިޓަލުގައި ފަރުވާ ދެމުން ގެންދަވަމުން ކަމަށް ފުލުހުން ބުނެފައި ވެއެވެ. "މި ދެ މައްސަލަ ވެސް ފުލުހުން ދަނީ ތަހުގީގު ކުރަމުން" ކަމަށް މީޑިއާތަކަށް ފުލުހުން ފޮނުވި މެސެޖެއްގައި ބުނެފައިވެ އެވެ.

ރާއްޖޭގައި އެކްސިޑެންޓުތަކަކީ ގައިންގަޔަށް ނާރާ ބަލިތައް ފިޔަވާ އެންމެ ގިނަ ޒުވާނުން މަރުވާ މައި ސަބަބެވެ. 2008 ވަނަ އަހަރުން ފެށިގެން 2024 ގެ ސެޕްޓެމްބަރު މަހާ ހަމައަށް ރާއްޖޭގައި ހިނގި އެކްސިޑެންޓުތަކުގައި 115 މީހަކު މަރުވެފައިވެ އެވެ.

މި އަހަރުގެ މިހާތަނަށް ވެސް ފުލުސް އޮފީހަށް ހުށަހެޅިފައި ވަނީ 1103 އެކްސިޑެންޓުގެ މައްސަލަ އެވެ. މިއީ ފުލުސް އޮފީހަށް ހުށަހެޅޭ އެންމެ ގިނަ މައްސަލަތަކެވެ.

އެކްސިޑެންޓުތައް ހިނގުމަށް މެދުވެރިވާ މައިގަޑު ސަބަބަކީ ބާރަށް ދުއްވުން ކަމުގައި ދިރާސާތަކުން ދަައްކައެވެ. އެކްސިޑެންޓުތަކުގައި މަރުވާ މީހުންގެ ތެރޭގައި އުޅަންދު ދުއްވާ މީހުން އަދި މަގުތަކުގައި ހިނގާ މީހުން ވެސް ހިމެނެ އެވެ. މި މައްސަލަ ހައްލުކުރަން ވޯލްޑް ހެލްތު އޯގަނައިޒޭޝަނގެ އެހީތެރިކަމާއެކު "ނެޝަނަލް ރޯޑް ސޭފްޓީ އެކްޝަން ޕްލޭން 2019-2023″ ގެ ނަމުގައި ޕްލޭނެއް ވެސް ތައްޔާރުކޮށްފައިވެ އެވެ.