ކުށުގެ ރެކޯޑް: އާދިއްތަ ދުވަހު ކްރިމިނަލް ކޯޓުން ނެރުނު އަމުރެއްގައި، މާރާމާރީ ހިންގުމުގެ ތުހުމަތުގައި، 61 އަހަރުގެ ފިރިހެނެއް ކަމަށްވާ މއ. ކޫލްއައިސިސް އަހްމަދު ރަޝީދު ޝަރީޢަތް ނިމެންދެން ބަންދުގައި ބެހެއްޓުމަށް އަމުރުކޮށްފިއެވެ.
ކޯޓުން މި މައްސަލައިގައި ލިބިފައިވާ ހެކިތަކުގެ ތެރޭގައި ހާދިސާގެ ރިޕޯޓާއި ހެކިބަސްދޭ ފަރާތްތަކުގެ ބަޔާންތައް ހިމެނެއެވެ. މި ބަޔާންތަކުން ދައްކާގޮތުގައި އަހްމަދު ރަޝީދަކީ ތޫނު އެއްޗެއް ބޭނުންކޮށްގެން ބިރުދައްކައި، މީހަކަށް ހަމަލާދިނުމަށް މަސައްކަތްކުރި މީހެކެވެ.
ކްރިމިނަލް ކޯޓުގެ ގާޒީ އަލީ ނަދީމް ވިދާޅުވިގޮތުގައި، އަހްމަދު ރަޝީދު ފިލައިގެން ދިޔުމުގެ އިހްތިމާލު އޮތްކަމާއި، މުޖުތަމަޢުގެ ރައްކާތެރިކަމަށްޓަކައި، އޭނާ ޝަރީޢަތް ނިމެންދެން ބަންދުގައި ބެހެއްޓުމަށް ވަނީ ނިންމާފައެވެ. ކޯޓުން ބަންދު އަމުރުގައި ފާހަގަކުރިގޮތުގައި މި މައްސަލައިގައި އަހްމަދު ރަޝީދާ ދެކޮޅަށް އެކަށީގެންވާ ވަރަށް ހެކި ލިބިފައިވާކަމަށްވެސް ވެއެވެ.
ކޮމެންޓު ފޮނުވާ