މިރޭ ދެކުނުގެ ރަށްތަކަށް ވިއްސާރައާއި ގުގުރުން އަންނާނެކަމަށް ރާއްޖޭގެ މޫސުމާ ބެހޭ ޤައުމީ އިދާރާއިން (މެޓް) ލަފާކޮށްފިއެވެ.
މެޓްއިން މޫސުމާއި ބެހޭގޮތުން ދޭ މަޢުލޫމާތުގައި، ދެކުނުގެ ރަށްތަކަށް ވިއްސާރައާއި ގުގުރުން ދިމާވިޔަސް، އުތުރާއި މެދު ރާއްޖެތެރޭގެ ރަށްތަކުގެ މޫސުން އާއްމުކޮށް ރަނގަޅުވާނެކަމަށް ވަނީ ބަޔާންކޮށްފައެވެ. ދެކުނުގެ އަތޮޅުތަކަށް ދެކުނާއި ހުޅަނގު ދެކުނުން ވައި ޖެހޭނެކަމަށާއި، އެހެނިހެން ހިސާބުތަކަށް އިރުދެކުނާއި ދެކުނުން ގަޑިއަކު 3 މޭލާއި 13 މޭލާ ދެމެދުގެ ބާރުމިނުގައި ވައި ޖެހޭނެކަމަށް މެޓްއިން ފާހަގަކޮށްފައިވެއެވެ.
އަދި މީގެއިތުރުން ރާއްޖޭގެ ކަނޑުތައް މަޑުވާނެކަމަށްވެސް މެޓްއިން ބުނެފައިވެއެވެ.
