މިއަހަރުގެ ފިތުރު ޒަކާތުގެ ގޮތުގައި 13.3 މިލިއަން ރުފިޔާ ލިބިފައިވާކަމަށް ޒަކާތު ހައުސްއިން ހާމަކޮށްފިއެވެ. މިއީ ވޭތުވެދިޔަ ހަތަރު އަހަރާ އަޅާބަލާއިރު އެންމެ ގިނަ އަދަދެކެވެ.
ޒަކާތު ހައުސްއިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުގައި މިއަހަރު ފިތުރު ޒަކާތުގެ ގޮތުގައި ޖުމްލަ 13،264،819 ރުފިޔާ ވަނީ ލިބިފައެވެ. މިއީ 2023 ވަނަ އަހަރު ލިބުނު 12،691،506.08 ރުފިޔާއާއި، 2022 ވަނަ އަހަރު ލިބުނު 11،669،385.10 ރުފިޔާއަށްވުރެ އިތުރު އަދަދެކެވެ.
އަދި މިދިޔަ އަހަރު ލިބުނު 12،594،777.92 ރުފިޔާއާ އަޅާބަލާއިރުވެސް މިއަހަރު ލިބިފައިވަނީ އިތުރު އަދަދެކެވެ.
ނަމަވެސް ގޮވާމުގެ ގޮތުގައި މިއަހަރު ލިބިފައިވަނީ 10،025.66 ކިލޯއެވެ. މިއީ މިދިޔަ އަހަރު ލިބުނު 12،959.29 ކިލޯއާއި، 2023 ވަނަ އަހަރު ލިބުނު 12،380.85 ކިލޯއަށްވުރެ މަދު އަދަދެކެވެ. އެހެންނަމަވެސް 2022 ވަނަ އަހަރު ލިބުނު 10،092 ކިލޯއާ ގާތްކުރާ އަދަދެކެވެ.
މި ތަފާސް ހިސާބުތަކުން ދައްކާގޮތުގައި ގިނަ ރައްޔިތުން ފިތުރު ޒަކާތް ދެއްކުމަށް އިސްކަންދީފައިވަނީ ފައިސާއިންކަން ފާހަގަކުރެވެއެވެ.