ކޯވިޑް-19 އާއި ގުޅިގެން ރާއްޖޭގެ ރައްޔިތުންގެ ފަރާތުން ފެނިގެންދިޔަ އެއްބައިވަންކަމާއި، އެކުވެރިކަމުގެ ރޫޚު ކުރިއަށް އޮތް އަހަރުގައިވެސް ފެނިގެންދާނެކަމަށް އުންމީދު ކުރައްވާ ކަމުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
2021 ވަނަ އަހަރުގެ ތަހުނިޔާ ދިވެހި ރައްޔިތުންނަށް ފޮނުވައި ރައީސުލްޖުމްހޫރިއްޔާ ވިދާޅުވީ، ނިމިގެންދާ 2020 ވަނަ އަހަރަކީ ގޮންޖެހުން ބޮޑު އެހާމެ އެއްބައިވަން އަހަރެއް ކަމުގައެވެ. ކޯވިޑް-19ގެ ދަތި ހާލަތުގައި ދިވެހި ރައްޔިތުންގެ ފަރާތުން ފެނިގެންދިޔަ އެއްބައިވަންތަކާއި އެކުވެރި ރޫހަކީ މިއަހަރު ކާމިޔާބު އަހަރެއްގެ ގޮތުގައި ވުމުގެ އެންމެބޮޑު އަސްލު ކަމުގައެވެ.
އަދި އުންމީދު ކުރައްވަނީ ކުރިއަށް އޮތް އަހަރަކީވެސް ދިވެހިރައްޔިތުންގެ ފަރާތުން މިއަހަރުވެސް ފެނިގެންދިޔަ އެއްބައިވަންތަކަމާއި އެއްބަނޑު އެއްބަފައިކަމުގެ ރޫހު ފެނިގެން ދިއުންކަމަށެވެ. ރައްޔިތުންގެ ފަރާތުން މިއަހަރު ފެނިގެންދިޔަ އެކުވެރި ކަމުގެ ރޫހާއި، ވެފައިވާ މަތިވެރި ޤުރުބާނީއާއިއެކު އެއް އަމާޒަކަށް ވާސިލް ވުމަށް އަންނަ އަހަރަށްވެސް އަޒުމް ކަނޑައެޅުއްވުމަސް ރައީސް ވަނީ ގޮވާލައްވާފައެވެ.
Though fraught with challenges, 2020 also brought out the best in us Maldivians- our sense of kinship, our spirit of community and sacrifice for the common good. May these values shine our path as we start 2021 with renewed hope. Fazu and I wish a very Happy New Year to everyone. pic.twitter.com/d9we31DG0j
— Ibrahim Mohamed Solih (@ibusolih) December 31, 2020
އާއަހަރުގެ ތަހުނިޔާ ސަރުކާރުގެ އިސްވެރިންނާއި، ދައުލަތުގެ އެކި މަޤާމުތަކުގައި ތިއްބެވި ބޭފުޅުންނާއި، ވަކިވަކި މުއައްސަސާތަކުންވެސް ދަނީ ފޮނުވަމުންނެވެ. ނިިމިގެން މިދާ އަހަރުގައި ދިމާވި ކޯވިޑްގެ ބަލި މަޑު ކަމާއިއެކު ރާއްޖޭގެ އިޤްތިޞާދަށް ދިމާވި ހީނަރުކަމުގެ ސަބަބުން ޤައުމުގެ މާލީ ހާލަތު އިންތިހާއަސް ދަށްވެ، ރާއްޖޭގެ އިޤްތިޞާދަށް ވަނީ ވަރަށް ބޮޑަށް ނުރަނގަޅު އަސަރުކޮށްފައެވެ. އިޤްތިޞާދީ މި އަދަވަޅުން އަރައި ގަތުމަށް ސަރުކާރުން ކުރަމުންދާ މަސައްކަތުގައި އެންމެ ބޮޑު އެހީތެރިކަމެއް ބޭނުންވަނީ ރައްޔިތުންގެ ފަރާތުން ކަމަށް ރައީސް ޞާލިހުގެ މީގެ ކުރިންވެސް ވަނީ ވިދާޅުވެފައެވެ.
