މިފަހަކަށް އައިސް ސަބްސިޑީގެ މައްސަލައާ ގުޅޭގޮތުން ހޫނު ބަހުސްތަކެއް ކުރިއަށްދާއިރު، މިއަދު މަޖިލީހުގެ މާލިއްޔަތު ކޮމިޓީއާއި އިގުތިސާދީ ކޮމިޓީގެ ޖޮއިންޓް ބައްދަލުވުމެއްގައި އައިއެމްއެފްގެ ވަފުދާ ބައްދަލުކުރެއްވުމަށްފަހު މާމިގިލީ ދާއިރާގެ މެންބަރު ގާސިމް އިބްރާހިމް ވަނީ މުހިންމު ވާހަކަތަކެއް ދައްކަވާފައެވެ.
އައިއެމްއެފްއިން ގޮވާލާފައިވާ ފަދައިން، ސަބްސިޑީ ނިޒާމު އުވާލައިފިނަމަ ރައްޔިތުންނަށް ވަރަށް ބޮޑެތި ދަތިތަކާ ކުރިމަތިލާން ޖެހޭނެކަމަށް މާލިއްޔަތު ކޮމިޓީގެ މުގައްރިރު ގާސިމް އިބްރާހިމް ވިދާޅުވެއްޖެއެވެ. ގާސިމް މިހެން ވިދާޅުވީ މިއަދު މަޖިލީހުގެ މާލިއްޔަތު ކޮމިޓީއާއި އިގުތިސާދީ ކޮމިޓީގެ ޖޮއިންޓް ބައްދަލުވުމެއްގައި އައިއެމްއެފްގެ ވަފުދާ ބައްދަލުކުރެއްވުމަށްފަހު ވާހަކަ ދައްކަވަމުންނެވެ.
ގާސިމް ފާހަގަކުރެއްވި ގޮތުގައި ސަބްސިޑީއަކީ ރައްޔިތުންގެ ދިރިއުޅުމާ ގުޅިލާމެހިފައިވާ އަދި ކޮންމެ ސަރުކާރަކުން ވެސް ރައްޔިތުންނަށް ފޯރުކޮށްދެމުން އަންނަ އެހީއެކެވެ.
އެހެންނަމަވެސް، އިގުތިސާދީ ހާލަތު ރަނގަޅުކުރުމަށް ސަރުކާރުން އަޅަމުންދާ ފިޔަވަޅުތަކުގެ މައްޗަށް އިތުބާރު އޮތްކަމަށް ގާސިމް ވިދާޅުވެފައިވެއެވެ. އަދި ސަރުކާރުން ކަނޑައަޅާފައިވާ އަމާޒުތަކަށް ވާސިލުވެވޭނެ ކަމުގެ ޔަގީންކަން ވެސް އޭނާ ވަނީ ފާޅުކުރައްވާފައެވެ.
މިހާރު ރާއްޖޭގެ ބަޖެޓުގައި ހިމެނިފައިވާ ގޮތުން ކާޑާއި، ކަރަންޓު އަދި އެހެނިހެން ބާވަތްތަކުން ދެމުންދާ ސަބްސިޑީ، އެ އެހީއަށް އެންމެ ބޮޑަށް ބޭނުންޖެހިފައިވާ ފަރާތްތަކަށް އަމާޒުކޮށްގެން ފޯރުކޮށްދިނުމަށް ވަނީ ރޭވިފައެވެ.
