ގަތަރު އެއާވޭސްއިން ރާއްޖެއަށްކުރާ ދަތުރުތަކުގެ ޑިމާންޑްބޮޑުވުމުގެ ސަބަބުން ދުވާލަކު 4 ދަތުރަށް އިތުރުކޮށްފިއެވެ.
މިމަހު 17 ވަނަ ދުވަހުންފެށިގެން އެއަރލައިނުން ރާއްޖެއަށް އައީ ދުވާލަކު 3 ދަތުރު ބާއްވަމުން ނެވެ.
ގަތަރު އެއާވެއިސް އިން ރާއްޖެއަށްކުރާ ދަތުރުތައް އިތުރުކޮށްފައި މިވަނީ ދާދި ފަހު އެ އެއާލައިނުން ރާއްޖެއަށް ހާއްސަ ޓްރެވެލް ބަބްލް އެއް ތައާރަފްކޮށް ޗުއްޓީގެ ޕެކޭޖްތަކެއް ވިއްކަން ފަށާފައެވެ. މި ޕެކޭޖުގެ ދަށުން ޖެނުއަރީ 7ގެ ކުރިން ޗުއްޓީއަށް ދަތުރުކުރަން ޖެހޭނެ ކަމަށް ކުރިން ކަނޑައަޅާފަ އޮތް ނަމަވެސް މި ޕެކޭޖްގެ މަޤްބޫލްކަން ބޮޑުވުމުގެ ސަބަބުން އެ އެއަރލައިނުން ވަނީ ސޭފް ޓްރެވަލް ބަބުލްގެ މުއްދަތު އިތުރުކޮށްފައެވެ.އެގޮތުން މިހާރު ޖަނަވަރީ 31 ވަނަ ދުވަހާއި ހަމައަށް މުއްދަތު ވަނީ އިތުރުކޮށްފައެވެ.
އެ އެއަރ ލައިނުން ބުނީ، މި ޓްރެވެލް ބަބުލްގެ ތެރެއިން ރައްކާތެރި ކަމާއެކު ރާއްޖެ އައިސް ޗުއްޓީ ހޭދަ ކޮށްލުމަށް ފުރުސަތު ލިބިގެންދާނެ ކަމަށެވެ. އަދި މި ޕެކޭޖުގެ ތެރެއިން ދަތުރު ކުރައްވާ ފަރާތްތައް އަނބުރާ ގައުމަށް ދިއުމަށްފަހު ކަރަންޓީނު ވާން ނުޖެހޭނެކަމަށްވެސް އެ އެއާލައިނުން ބުނެއެވެ.
With four flights daily to the beautiful destination of the Maldives, it is time to take that much-needed vacation and soak in the ambience of turquoise waters and white sandy beaches in the New Year!?✈️ pic.twitter.com/CJZv2R8Xml
— Qatar Airways (@qatarairways) December 29, 2020
ބޯޑަރު އަލުން ހުޅުވާލިފަހުން ދެވަނައަށް އެންމެ ގިނަ އަދަދަކަށް ރާއްޖެއަށް ދަތުރުތައް ބާއްވާ އެއަރލައިނަކީ ގަތަރު އެއަރވޭސް އެވެ. ރާއްޖޭގެ ބޯޑަރު ޖުލައި 15ގައި ހުޅުވާލުމާއެކު އެންމެ ފުރަތަމަ ރާއްޖެއަށް ދަތުރުފެށި އެއަރލައިނަކީވެސް ގަތަރު އެއަރވޭސްއެވެ.
ރާއްޖެއަށް އެންމެ ގިނަ އަދަދަކަށް މިހާތަނަށް މީހުން އުފުލާފައިވާ އަދި އެންމެ ގިނަ ފްލައިޓް އޮޕަރޭޓްކުރާ އެމިރޭޓްސްއިން ވެސް ރާއްޖެއަށް ދުވާލަކު 4 ދަތުރު މިހާރު ކުރެއެވެ. އެ އެއަރަލއިންނުން ބުނީ އަންނަ ޖަނަވަރީ މަހުގެ 31 ވަނަ ދުވަހުގެ ނިޔަލަށް ކޮންމެ ދުވަހަކު ރާއްޖެއަށް 4 ފްލައިޓް ބާއްވާނެ ކަމަށެވެ.
