ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ކުރީގެ ރައީސް އިބްރާހިމް މުޙައްމަދު ޞާލިޙްގެ އަނބިކަނބަލުން ފަޒްނާ އަޙްމަދުގެ މަންމަ، ޟަމީރާ ޢުމަރު އަވަހާރަވުމާ ގުޅިގެން އެ އާއިލާއަށް ތަޢުޒިޔާ ވިދާޅުވެއްޖެއެވެ.
ސޯޝަލް މީޑިއާގައި ރައީސް ޑރ. މުޢިއްޒު ޕޯސްޓެއް ކުރައްވައި، ޢުމުރުފުޅުން 82 އަހަރުގައި އަވަހާރަވި ޟަމީރާ ޢުމަރުގެ އަވަހާރަވުމުގެ ހިތާމައިގައި ބައިވެރިވެވަޑައިގަންނަވާ ކަމަށް ވިދާޅުވެފައިވެއެވެ. މީގެއިތުރުން ރައީސް އިބްރާހިމް މުޙައްމަދު ޞާލިޙްގެ ދެކަނބަލުންނަށާއި އާއިލާއަށް ތަޢުޒިޔާ ވިދާޅުވެފައިވެއެވެ.
ރައީސް ޑރ. މުޢިއްޒު އެ ޕޯސްޓުގައި، މަރްޙޫމާ ޟަމީރާ ޢުމަރަށް ސުވަރުގޭގެ ދާއިމީ ނިޢުމަތް ދެއްވައި، މާތްﷲގެ ތަނަވަސް ރަޙްމަތާއި އޯގާވަންތަކަމުގައި ތާއަބަދުމެ ލެހެއްޓެވުން އެދި ދުޢާ ކުރައްވާފައިވެއެވެ.
