ހަމާސްއިން ފުރަތަމަ ދޫކޮށްލާނެ އަސީރުންގެ ނަންތައް ހާމަކުރުމާއެކު، ހަނގުރާމަ ހުއްޓާލުމުގެ އެއްބަސްވުމަށް އަމަލުކުރަން ފަށައިފިއެވެ.
ތަފްސީލު:
* ގާތްގަނޑަކަށް 3 ގަޑިއިރުގެ ލަސްވުމަކަށްފަހު، ދިގު މުއްދަތެއް ވަންދެން އިންތިޒާރުކުރެވުނު ގައްޒާގެ ހަނގުރާމަ ހުއްޓާލުން މިހާރު ވަނީ ފެށިފައެވެ. އަދި ގައްޒާގެ ރައްޔިތުން ގެތަކަށް އެނބުރި ދަނީ އަންނަމުންނެވެ.
* ފުރަތަމަ ދޫކޮށްލާނެ އިސްރާއީލުގެ 3 އަންހެން އަސީރުންގެ ގޮތުގައި ހަމާސްއިން ހާމަކޮށްފައިވަނީ 31 އަހަރުގެ ދޮރޮން ސްޓެއިންބްރެޗަރ، ބްރިޓިޝް-އިސްރާއީލީ ދެޤައުމުގެ ރައްޔިތެއްކަމުގައިވާ 28 އަހަރުގެ އެމިލީ ދަމާރީ، އަދި ސުޕަނޯވާ ފެސްޓިވަލްއިން ވަގަށްނެގި 24 އަހަރުގެ ރޯމީ ގޯނެންއެވެ.
* އާދީއްތަ ދުވަހުގެ 08:30 (ޖީއެމްޓީ 06:30) ގައި ފެށުމަށް ހަމަޖެހިފައިވާ ހަނގުރާމަ ހުއްޓާލުން ލަސްވެފައިވަނީ، ހަމާސްއިން އިސްރާއީލަށް، ހައްޔަރުކުރެވިފައިވާ 3 މީހުންގެ ނަންތައް ވަގުތުން ނުދެވުމުގެ ސަބަބުންނެވެ – މިކަން މިހެން ދިމާވީ "ޓެކްނިކަލް ފީލްޑް ސަބަބުތަކެއް" ހުރުމުން ކަމަށް ހަމާސްއިން ބުނެއެވެ.
* ހަނގުރާމަ ހުއްޓާލުން ފެށުމާ ހަމައަށްވެސް، އިސްރާއީލުން ގައްޒާއަށް ދިން ހަމަލާތައް ކުރިއަށް ގެންދިޔައެވެ. ހަމާސްއިން ހިންގާ ސިވިލް ޑިފެންސް އޭޖެންސީގެ ބުނެފައިވަނީ، މިއަދު އެކަނިވެސް 19 މީހުން ޝަހީދުވި ކަމުގައެވެ.
* 2023 ވަނަ އަހަރުގެ އޮކްޓޯބަރ 7 ގައި ހަމާސްއިން އިސްރާއީލަށް ދިން ހަމަލާގައި ގާތްގަނޑަކަށް 1,200 މީހުން މަރުވެ އަދި 251 މީހުން ހައްޔަރުކޮށްގެން ގައްޒާއަށް ގެންދިޔައެވެ.
* މި ހަމަލާއާ ގުޅިގެން އިސްރާއީލުން ގައްޒާއަށް ދިން ބޮޑު ހަމަލާގައި 46,800 އަށްވުރެ ގިނަ ފަލަސްޠީނު ރައްޔިތުން މަރުވެފައިވާކަމަށް ހަމާސްއިން ހިންގާ ހެލްތު މިނިސްޓްރީން ބުނެއެވެ
