ފުލުހުން މިއަދު ހާމަކުރި ގޮތުގައި ގއ. ދާންދޫން 33 އަހަރުގެ ފިރިހެނެއްގެ ހަށިގަނޑު މަރުވެފައި އޮއްވާ ފެނިއްޖެއެވެ.
މިއަދު ހެނދުނު 8:10 ގައި ފުލުހުންނަށް ރިޕޯޓު ކުރެވުނު ގޮތުގައި ދާންދޫ ފެނަކަ ބްރާންޗުގެ ހުޅަނގު ފަރާތު މަގުމަތިން ފެނުނީ އެރަށު ނަގަހެލަގޭ އަހްމަދު އަބްދުﷲ ގެ ހަށިގަނޑެވެ. އޭނާގެ ހަށިގަނޑު ވަނީ އެރަށު ހެލްތު ސެންޓަރަށް ގެންގޮސްފައެވެ. ނަމަވެސް ހެލްތު ސެންޓަރަށް ގެންދިއުމުގެ ކުރިންވެސް އޭނާ ވަނީ މަރުވެފައި ކަމަށް ފުލުހުން ބުނެއެވެ.
ފުލުހުން މިހާރު ދަނީ މި މައްސަލައިގެ ތަހުގީގު ކުރިއަށް ގެންދަމުންނެވެ. މި މައްސަލަ ރިޕޯޓުވުމުގެ ކުރިން، މިދިޔަ އަންގާރަ ދުވަހު މާލޭ ގުލާބީމަގުގައި ހުރި ގެއަކުން ވެސް ދިވެހި ރައްޔިތެއްގެ ހަށިގަނޑު ވަނީ މަރުވެފައި އޮއްވާ ފެނިފައެވެ.
