އުމުރާ ނުގުޅޭ ވާހަކަތަކެއް ދައްކައިގެން ދަރިވަރުންތަކަކަށް ގްރޫޕް ކުރި މައްސަލައިގައި ޓީޗަރުގެ މައްޗަށް ދައުވާކުރުމަށް ޕްރޮސެކިއުޓަ ޖެނެރަލް (ޕީޖީ) އޮފީހުގައި ފުލުހުން އެދިއްޖެއެެވެ.
ފުލުހުންނަށް މި މައްސަލަ ރިޕޯޓު ކުރީ މިދިޔަ އޮކްޓޯބަރު 17 ގައެވެ. ކޯޓު އަމުރެއްގެ ދަށުން ޓީޗަރު ހައްޔަރުކުރީ އޮކްޓޯބަރު 27 ގައެވެ.
ފުލުހުން މިއަދު ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރު ކުރި އުމުރުން 29 އަހަރުގެ ދިވެހި ފިރިހެން މީހާގެ ބަންދަށް ކޯޓުން 20 ދުވަސް ދިން ކަމަށެވެ. އަދި ދެވަނަ ފަހަރަށް ކޯޓަށް ހާޒިރުކުރުމުން ބަންދަށް އިތުރު 30 ދުވަސް ދީފައިވާ ކަމަށް ވެސް ފުލުހުން ބުންޏެވެ.
މިކަން ހިނގީ ރާއްޖޭގެ ދެކުނުގެ ރަށެއްގައެވެ. މިފަދަ މައްސަލަތަކުގައި ކުއްޖާގެ އަތޮޅާއި ރަށް ހާމަކޮށްފި ނަމަ، ކުއްޖާގެ ވަނަވަރު އެނގިދާނެތީ އެއީ ކޮން ރަށެއް ކަމާއި އަތޮޅެއް ކަން ފުލުހުން ހާމައެއް ނުކުރެއެވެ.
