މިފްކޯ އިން މަސް ގަންނަ އަގު އަނެއްކާވެސް ދަށްކޮށްފިއެވެ.
މިފްކޯއިން ބުނީ ދުނިޔޭގެ ބާޒާރުގެ އަގުތަކަށް ބަލައި މިއަދުން ފެށިގެން މިފްކޯގެ ކާރުޚާނާތަކަށާއި ބޯޓްފަހަރަށް އައިސް އެޅި މަސްކިލޯއެއް ގަންނަމުންދާނީ ކިލޯއެއް 16 ރުފިޔާއަށް ކަމަށެވެ. އަދި އައިސް ނާޅާ މަސް ގަންނަނީ 14 ރުފިޔާއަށް ކަމަށެވެ. އަދި ކުރިން 10 ރުފިޔާއަށް ގަންނަމުންދިޔަ 1.5 ކިލޯއިން ދަށުގެ މަހާއި ކަންނެލި މިއަދުން ފެށިގެން ގަންނާނީ 9 ރުފިޔާއަށް ކަމަށާއި އައިސް ނާޅާ 1.5 ކިލޯއިން ދަށުގެ މަހާއި ކަންނެލި ގަންނަނީ 7 ރުފިޔާއަށްކަމަށްވެސް މިފްކޯއިން ބުނެއެވެ.
މިފްކޯއިން އެންމެ ފަހުން މަހުގެ އަގު ދަށްކޮށްފައިވަނީ މިދިޔަ ސެޕްޓެމްބަރު މަހުގައެވެ. ސެޕްޓެމްބަރމަހުގެ 20ވަނަ ދުވަހު މަހުގެ ކޮންޓްރޯލް އަގު ދޫކޮށްލިކަން އިއުލާންކޮށް މިފްކޯއިން 1.5 ކިލޯއިން މަތީގެ މަހާއި ކަންނެލި ކިލޯއެއް ގަންނަމުން ދިޔައީ 18 ރުފިޔާއަށެވެ. އަދި ފިނިނުކުރާ މަސް ކިލޯއެއް ގަންނަމުންދިޔައީ 16 ރުފިޔާއަށެވެ.
