ކަސްޓަމްސްގެ ވަޒީފާއާ އަލަށް 31 އޮފިސަރަކު ގުޅިއްޖެއެވެ.
ކަސްޓަމްސްގެ ބިލްޑިންގައި އިއްޔެ ބޭއްވި ޚާއްސަ ރަސްމިއްޔާތުގައި އޮފިސަރުންނަށް ހުވާލައިދެއްވީ ޑްރަގް ކޯޓުގެ ގާޒީ މުހައްމަދު ސަމީރެވެ.
އޮފިސަރުން ހުވާކުރުމަށް ބޭއްވި ރަސްމިއްޔާތުގައި ކޮމިޝަނާ ޖެނެރަލް އޮފް ކަސްޓަމްސް ފާތިމަތު ދިޔާނާގެ އިތުރުން ކަސްޓަމްސްގެ ވެރިން ބައިވެރިވަޑައިގެންނެވިއެވެ.
ރާއްޖޭގައި ކަސްޓަމްސްގެ ދައުރު އަދާކުރަން ފަށާފައިވަނީ 1890 ވަނަ އަހަރު ޖުލައި މަހު 18 ވަނަ ދުވަހުއެވެ. ސިވިލް ސާވިސްގައި ނުހިމެނޭ މަދަނީ މުއައްސަސާއެއްގެ ގޮތުގައި ކަސްޓަމްސް ބަދަލުވެގެންދިޔައީ 11 މެއި 2011 ގައި ތަސްދީގު ކުރެވުނު ކަސްޓަމްސްގެ ގާނޫނުގެ ދަށުންނެވެ.
