ހަޔާ އެޑިޔުކޭޝަން މިނިސްޓްރީގެ ސްޓޭޓް މިނިސްޓަރުގެ މަޤާމުގައި ހުންނެވި ޑރ. އަބްދުﷲ ފައިރޫޝް، ހޯމްލޭންޑް ސެކިއުރިޓީ މިނިސްޓްރީގެ ސްޓޭޓް މިނިސްޓަރުގެ މަޤާމަށް ބަދަލުކުރައްވައިފިއެވެ. މި ބަދަލު ގެނެވުނު ކަން ދެ މިނިސްޓްރީންވެސް ޔަޤީންކޮށްދީފައިވެއެވެ. ނަމަވެސް، ފައިރޫޝްގެ މަސައްކަތްކުރައްވާ އޮފީސް ބަދަލުކުރެއްވި ސަބަބު އަދި ސާފުވެފައެއް ނުވެއެވެ.
ކުރިން ފުލުހުންގެ އިސް މަޤާމުތަކެއް ފުރުއްވާފައިވާ ފައިރޫޝް، ފުލުހުންގެ ޚިދުމަތުން ރިޓަޔަރ ކުރެއްވީ 2021 ވަނަ އަހަރުގެ ޖަނަވަރީ މަހުގައެވެ. އޭރު އޭނާ ހުންނެވީ އެސިސްޓެންޓް ކޮމިޝަނަރ އޮފް ޕޮލިސްގެ މަޤާމުގައެވެ.
އަދި ނިމިދިޔަ ރިޔާސީ އިންތިޚާބުގެ ފުރަތަމަ ބުރުގައި ފައިރޫޝް މަސައްކަތް ކުރެއްވީ އެމްއެންޕީގެ ރައީސް މުޙައްމަދު ނާޒިމްގެ އަރިހުގައެވެ.
