ވޯލްޑްކަޕް ކޮލިފައިންގެ ފުރަތަމަ މެޗްގައި ބްރެޒިލްއިން ފެންވަރު ދައްކާލައި ބޮލީވިއާ ލަދު ގަންނަވާލައިފި އެވެ.
ކޮލިފައިންގެ ފުރަތަމަ މެޗުގައި އަމިއްލަ ދަނޑުގައި ބްރެޒިލް އިން ވަނީ ބޮލީވިއާއި ކޮޅަށް ފަސް ލަނޑު ޖަހާފައެވެ. ގިނައިރު ބޯޅަ ހިފަހައްޓައި މެޗް ޑޮމިނޭޓްކުރި ބްރެޒިލް އިން ވަނީ މިމެޗްގައި އެޓީމުގެ އެންމެ ވަރުގަދަ އެގާރަ ކުޅެން ނެރެފައެވެ.
މެޗްގެ ކުރިން ލިބުނު އަނިޔާއަކާއި ގުޅިގެން މެޗުގައި ނުފެދިނާކަމަށް ބެލެވުނު ޓީމުގެ އެންމެ މުހިމު ތަރި ނޭމާވެސް ވަނީ ފުލް އެގާރާގައި ގުޅެފައެވެ.
ރޭގެ މެޗްގައި ލިވަޕޫލްގެ ފޯވާޑް ރޮބާޓޯ ފިރިމީނޯ ވަނީ ބްރެޒިލްއަށް 2 ގޯލް ކާމިޔާބް ކޮށްދީފައެވެ. މިމެޗްގައި ބްރެޒިލް އިން ޖެހި އަނެއް 3 ލަޑު ޖަހައިދިނީ ޖޯސޭ ކަރާސްކޯ، ފިލިޕޭ ކުޓީނިއޯ އަދި މާކީނޯސް އެވެ.
ރޭގެ މެޗުން މޮޅުވެ ލަނޑުގެ ތަފާތުން ބްރެޒިލްވަނީ ތާވަލްގެ އެންމެ ކުރި ލިބިފައެވެ. މި ގްރޫޕްގައި ރޭ ކޮލަމްބިއާއި، ވެނެޒުއޭލާ ކުޅުނު މެޗް ތިނެއް ސުމެއްގެ ނަތީޖާއަކުން ކޮލަމްބިއާއި ވަނީ މެޗް ކާމިޔަބްކޮށްފައެވެ.
