ރައީސް ޑރ. މުހައްމަދު މުއިއްޒު އެމެރިކާގެ ނިއުޔޯކުގައި ހުންނަ ގޫގުލް އޮފީހަށް މިއަދު ޒިޔާރަތް ކުރައްވައިފިއެވެ.
ގޫގުލް އޮފީހަށް އެ މަނިކުފާނު ވަޑައިގަތުމުން މަރުހަބާ ދެންނެވީ ގޫގަލް ޕަބްލިކް ސެކްޓާ ސީއީއޯ ކަރެން ދަހުތުއެވެ.
ރައީސް އޮފީހުން ބުނި ގޮތުގައި ރައީސް ޑރ. މުއިއްޒު، ގޫގުލްގެ ވެރިންނާ އެކުގައި ބޭއްވި ބައްދަލުވުމުގައި ޕަބްލިކް ސާވިސް ޑެލިވަރީގެ ނިޒާމަށް އާޓިފިޝަލް އިންޓެލިޖެންސް ތައާރަފުކުރުމާއި ޕަބްލިކް ސާވިސް ޑެލިވަރީގެ ނިޒާމަށް އޭއައި ތައާރަފު ކުރުމާއި ޑިޖިޓަލް ލިޓްރެސީ އިޝްތިހާރު ކުރުމުގެ އިތުރުން މޫސުމަށް އަންނަ ބަދަލުތަކަށް ޑޭޓާ ޑްރައިވް ހައްލުތަކާ ގުޅޭ ގޮތުން ގުޅިގެން މަސައްކަތް ކުރުމަށް މަޝްވަރާ ކުރެއްވި ކަމަށެވެ.
އދ. ގައި ކުރިއަށް ގެންދިޔަ"ބިލްޑިންގް ޕްރޮޑަކްޓިވް ކެޕޭސިޓީސް އިން ސްމޯލް އައިލެންޑް ޑިވެލޮޕިން ސްޓޭޓްސް" ގައި ވެސް ރައީސް މުއިއްޒު ވަނީ ޑިޖިޓަލް އިގްތިސާދެއް އުފެއްދުމަށް ރާއްޖެ އިން ކުރާ މުހިއްމު މަސައްކަތްތައް ދުނިޔޭގެ ސަމާލުކަމަށް ގެންނަވައިފައެވެ.
ރައީސް މުއިއްޒު އެމެރިކާ އަށް ވަޑައިގެންނެވީ އދ. ގެ އާންމު މަޖިލީހުގެ 79 ވަނަ ބައްދަލުވުމުގައި ބައިވެރިވެޑައިގަތުމަށެވެ.
