ސިނަމާލެ ބްރިޖާއި ހައިވޭގައި ސައިކަލް ދުއްވާފައި ދިޔަ މީހަކު ސާފް ބޯޑެއް އުފުލި މައްސަލައިގައި އޭނާއާ އާ ދެކޮޅަށް ފިޔަވަޅު އަޅައިފިއެވެ.
މީހަކު ސާފް ބޯޑެއް އުފުލި ވީޑިއޯއެއް ސޯޝަލް މީޑިއާގައި މިހާރު ދަނީ ދައުރުވަމުންނެވެ. އެ ވީޑިއޯގައި ސައިކަލުގެ ފަހަތުގައި އިން މީހާ ސާފްބޯޑެއް ހިފަހައްޓައިގެން ހުންނަ މަންޒަރު ފެނެއެވެ.
ފުލުހުންގެ ތަރުޖަމާނު އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން ވިދާޅުވީ ސިނަމާލެ ބްރިޖާއި ހައިވޭ ހުރަސްކޮށް ސައިކަލުގައި ސާފްބޯޑެއް އުފުލި މީހަކާމެދު، ގަވައިދާ ހިލަފަށް މުދާ އުފުލުމުގެ މައްސަލައިގައި ފިޔަވަޅު އަޅާފައިވާ ކަމަށެވެ.
ޝިފާން ވަނީ މިފަދަ އަމަލުތަކަކީ ތިމާއާއި އަނެކުންގެ ސަލާމަތާއި ރައްކާތެރިކަމަށް ނުރައްކާވެދާނެ ކަންކަން ކަމުގައިވާތީ، މިފަދަ އަމަލުތަކުން ދުރުހެލިވުމަށް އެދިފައެވެ.
