ވޭމަންޑޫގައި ފުލުހުން މީހަކަށް އަނިޔާކުރި ކަމަށް ތުހުމަތުކުރެވޭ މައްސަލައެއް ތަޙުޤީޤުކުރަން ފަށައިފިއެވެ.
ވޭމަންޑޫގައި ފުލުހުން މީހަކަށް އަނިޔާކުރިކަމަށް ދައްކުވައިދޭ ވީޑިއޯއެއް ސޯޝަލް މީޑިއާގައި ފެތުރުމާ ގުޅިގެން، މި މައްސަލަ ތަޙުޤީޤުކުރަން ފުލުހުން ވަނީ ފަށައިފައެވެ. މި ހާދިސާއާ ގުޅިގެން، ރަށުގެ ބައެއް ރައްޔިތުން ޕޮލިސް ސްޓޭޝަނާ ދިމާލަށް އެއްވެ އިހުތިޖާޖުކޮށްފައިވެއެވެ.
ފުލުހުން ނެރުނު ބަޔާނެއްގައި ބުނެފައިވަނީ، މި މައްސަލައާ ގުޅޭ ތަޙުޤީޤު މިހާރު ކުރިއަށްދާ ކަމަށެވެ. ނަމަވެސް، އަނިޔާ ލިބުނު ކަމަށް ބުނާ ފަރާތް ހައްޔަރުކުރެވުނު ސަބަބާ ބެހޭ އިތުރު މަޢުލޫމާތެއް ހާމަކޮށްފައެއް ނުވެއެވެ.
މިފަދަ ހާދިސާތަކަކީ މުޖުތަމަޢުގެ ކަންބޮޑުވުން އުފެދޭ މައްސަލަތަކެކެވެ. ފުލުހުންގެ ޕްރޮފެޝަނަލް ސްޓޭންޑަޑްސް ޔުނިޓުން މިފަދަ މައްސަލަތައް ތަޙުޤީޤުކުރުމަކީ އާންމު ކަމެކެވެ.
ކޮމެންޓު ފޮނުވާ