ގދ. ތިނަދޫ ސިޓީގެ މިއުޒިއަމް ޕާކް ކައިރީގައި ހުރި ގެއެއްގައި އަލިފާން ރޯވުމުގެ ހާދިސާއެއް ހިނގައިފިއެވެ. މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ދެއްވި މަޢުލޫމާތުގައިވާ ގޮތުން، މި ހާދިސާގެ ރިޕޯޓު ލިބިފައިވަނީ މެންދުރުފަހު 14:39 ގައެވެ.
ހާދިސާގެ ޚަބަރު ލިބުމާއެކު، ސިފައިން ވަގުތުން އެ ސަރަޙައްދަށް ގޮސް އަލިފާން ނިއްވުމުގެ މަސައްކަތް ފަށާފައިވެއެވެ. އެމްއެންޑީއެފްގެ މަޢުލޫމާތުގައިވާ ގޮތުން، އަލިފާން މުޅިން ނިއްވާލެވިފައިވަނީ 15:00 ހާއިރުއެވެ.
މި ހާދިސާ ހިނގި ގެއަކީ ބިދޭސީން ދިރިއުޅެމުންދިޔަ ގެއެކެވެ. އަލިފާނުގެ ހާދިސާގައި އެއް މީހެއްގެ ފަޔަށް އަނިޔާވެފައިވާ ކަމަށް އެމްއެންޑީއެފްއިން ހާމަކުރެއްވިއެވެ.
ކޮމެންޓު ފޮނުވާ